ORANJESTAD (AAN): Un otro establecimento cu lo bay habri na e mall nobo, Palm Beach Plaza, lo ta “Underground”. Sigur un bon paso di Giovanni Rafini! Nan tienda nobo lo bira uno cu tur hende lo tin di bishita den e Mall, y no ta referi aki na e mercancia maraviyoso cu nan tin. Nan concepto lo ta uno cu definitivamente impresiona esnan hoben y di edad, turista y hendenan local.Indra Stamper, kende ta Tenant Relations Manager di e Mall, ta enamora cu nan bistirnan “Stop Staring”, y a informa nan cu unavez cu nan habri na Palm Beach Plaza, cu e lo bira un di nan clientenan principal.
Nan estilo di Rockabilly a inspira tur hende cu tin un wowo pa moda, y lo contribui fuertemente na tur e estilonan diferente cu e Mall tin pa ofrece.
Aki por mira e gerente di Palm Beach Plaza Mall, Alex Otterspeer, hunto cu Nina, y e homber tras di e negoshi, esta Giovanni Rafini. Nan a hasta trece nan Hot Rod pa forma parti di e potret aki.
