ORANJESTAD (AAN): Diahuebs atardi, R.E. Yrausquin & Sons a introduci riba Festival Plaza na Renaissance, e modelo nobo di Lincoln MKS. Un vehiculo luhoso, bunita, poder balanza, y mehoramento den eficiencia.
Ford Motor Company su representante oficial na Aruba R. E. Yrausquin & Sons a introduci na Aruba e vehiculo sedan mas nobo cu ta e Lincoln MKS 2010.
Dinamico y elegante, e Lincoln MKS ta e prome produccion di e vehiculo cu tin e diseño DNA di Lincoln introduci den e concepto di Lincoln MKR. E diseño exterior cu mas ta hala atencion ta e parti di e grill cu dobel ala, inspira riba e Lincoln Continental 1941.
E Lincoln MKS 2010 ta trece un epoca nobo den mehoramento di e poder na Aruba y e eficiencia den e uso di combustible ta algo standard. Clientenan por scohe entre dos motor V-6 poderoso y practico, cada uno ekipa cu un sistema di SelectShift Automatic. E motor standard di 3.7 liter, 24 valve Duratec, dunando 270 hp y 265 ft.-lb. di “torque”, a worde tuned pa acelera lihe, ademas di e hecho cu door di ta economico riba caminda grandi e por bay 24 Miya pa galon.
Pa brinda mucho mas di un auto, Lincoln MKS ta bini cu un V-6 Ecoboost twin-turbocharge di 3.5-liter. E motor aki ta duna e auto un poder di 355 hp generando 350 ft.-lb. di torque – dunando asina e capacidad di 17 mpg den ciudad y 24 mpg riba caminda grandi cu AWD. EcoBoost ta un strategia global di Ford pa duna e poder cu clientenan ta pidi, combina e parti di economisa den e uso di combustible.
Gerencia di R.E. Yrausquin & Sons a duna informacion na esnan presente riba e demanda na Aruba cu tin pa auto luhoso. Ford su Gerente di Operacion pa Caribe y Centro America, Mark Mandl, tabata na Aruba y a comenta cu MKS tin tur e reciente avancenan tecnologico di Ford, cu e diseño, calidad y elegancia inigualable di un Lincoln.”
E Lincoln MKS 2010 sumamente detaya den su diseño ta mustra un interior elegante, di cuero fini, palo real y accentua cu metalnan.
Y con bo ta drenta e auto aki? Scondi den e rand di porta, e numbernan di code ta cende solamente ora cu bo mishi cu bo dede riba nan. Fabuloso. E sistema di Sync di Microsoft, ta pone cu bo voz ta duna orden pa tur cos, di radio, cd, y hasta pa yama telefon.
E ta inclui tambe e “Personal Safety System™”, caminda ta combina varios tecnologia pa yuda adapta “air bag”nan y funcionnan di fahanan di seguridad pa cada pasahero individual y e circumstancianan di cada accidente en particular. E sistema por identifica variabelnan, manera e seriedad di un accidente, peso di pasahero individual y uso di faha di seguridad pa ahusta e airbag ora di forsa.
Activacion di sistemanan ta hunga un rol principal den e seguridad di MKS tambe. E advertencia di un accidente cu e “Brake support” ta duna e chofer un señal cu ta “flash” riba e windshield si e sistema “sinti” un posibel accidente cu e vehiculo dilant di dje. Si e chofer no reacciona y un colision ta inminente, e sistema lo cuminsa activa e brake pa na momento cu e chofer pone su pia riba e pedal, e brake ta full aden di biaha.
Lincoln MKS ta bini cu tecnologianan sofistica pa haci bida luhoso sin mester ta mas complica. Y esaki ta visible den e “Active Park Assist” cu ta funciona cu e sistema avanza di “Electric Power Assisted Steering” (EPAS).
E tecnologia aki ta un sensor ultrasonico haciendo parkeo algo masha facil. “Active Park Assist” ta activa pushando solamente un boton, cu ta determina e area adecuado pa parkea, detectando e randnan di e obhetonan na banda pa calcula e mihor angulo, djei maniobrando e Lincoln MKS den e spot indicando e chofer por medio di e sistema convencional di brake, trot, y move e auto.
Ya caba por pasa check e modelo di Lincoln MKS na R.E. Yrausquin & Sons.
