ORANJESTAD (AAN): SETAR ta continua di ta inovativo, trendy y al dia cu tur loke ta tecnologia moderno y medionan di comunicacion cu ta hopi usa awendia. SETAR na comienso di e fiebre di Facebook a cuminsa cu su Friends of SETAR.
Facebook ta yega te cu 5000 friends y mester bisa cu ya pa basta tempo caba e page di SETAR a yega e limite.
Awor SETAR ta motiva tur su usuarionan di e popular Facebook pa join e Fan Page di nos compania netamente Arubano SETAR y registra como fan. Probechando esaki, SETAR naturalmente ta lansa un campaña special un biaha mas na unda tur siman ta saca un ganador di un premio actractivo.
E sorteo special aki ta tuma lugar tur diabierna entre tur esnan cu registra como fan oficial di SETAR y e prome ganadora a keda den persona di Ghyslaine Croes kende a tuma su iPod Touch for di man di Lelicia Tromp di e departamento di Corporate Communications. E premionan cu SETAR ta pone disponibel ta entre otro iPod Touch, iPod Nano, BlackBerry, Gift certificates y hopi mas. E campaña aki ta dura te cu 30 di april 2010 pues ainda bo por registra via Facebook y bira un Fan di SETAR!.
