Dianan 29 y 31 di Maart ta e fecha
ORANJESTAD (AAN): Esnan cu no por a logra bay mira e presentacionnan sigur por ta contento y cu awor nan lo haya nan oportunidad.
Dialuna awor 29 di Maart y Diahuebs 31 di Maart lo tuma lo tuma lugar den Cas di Cultura e presentacion di e documentario cu a inspira y commove nos comunidad “Aruba su Secretonan Natural”. Grandi y chikito a bay mira e promer 6 presentacionan y tur a sali contento for di e salanan cu tabata mayoria parti “Sold Out” y a comenta cu nan no por imagina nan mes cu Aruba ta asina bunita y cu tin momentonan cu nos isla ta transforma y revela un beyeza cu nan no conoce.
Otronan a comenta cu awor mester traha riba un Parti II di documentario di naturalesa di Aruba. Productor y director di e documentario Sr. Aldrich Croes a comenta cu nan lo cuminsa e filmacion di e di dos parti na luna di Juli y lo dura alrededor di un aña of algo mas pa nan por keda cla cu e ne.
E lo encera Aruba bao awa y algun otro secreto nobo cu e mesun publico cu a bin mira e documentario a trece na conocemento di Sr. Croes. Fundacion e Brug kier a gradici e comunidad di Aruba pa e apoyo grandi na e produccion y a anuncia tambe cu e aña aki nan lo cuminsa imprimi e version nobo di e exitoso “E Brug” pa nos hubentud di Aruba. Carchinan ta na obtenible na tur boekhandel pa e ultimo dos presentacionnan aki.
