ORANJESTAD (AAN)— Despues di un carera cu solamente por wordo describi como estelar, Rina Solognier-Croeze, a retira for di Caribbean Mercantile Bank N.V.
Pa celebra e ocasion aki cu sigur ta uno masha importante den bida di cualkier persona, henter CMB a wordo invita pa uni cu Gerencia y tambe Rina su famia.
Rina a haya hopi regalo di tanto su coleganan como tambe su empleadonan y di CMB mes , asina demostrando cuanto afeccion y cariño henter staff di CMB pa e señora aki cu dedica 37 aña na e banco.
Termindando un carera di berdad briyante na CMB, Rina ta haci esaki como miembro di Management di CMB y tambe tin e distinccion di ta e promer hende muher pa mantene e posicion ey.
Riba e fotonan por mira momento cu Rina hunto cu su yuinan y tambe gerencia y staff di CMB na su celebracion di despedida. Tambe momentonan unda cu Hunta di Directiva di CMB a despedi di Rina.
