Ministro de Meza sa kico Elmar y WEB a haci tras di su lomba?
ORANJESTAD (AAN): Di parti Rainbow Warriors International, a tuma nota di e hecho cu den ultimo lunanan, e tempo na Aruba ta haci masha calor y consecuentemente e cuentanan di NV Elmar como tambe WEB Aruba NV ta bin hopi halto pa consumidor en general.
Pa tal motibo, Rainbow Warriors International ta haya un falta di respet absoluto, cu por a constata cu Diahuebs 6 di Mei 2010, cu NV Elmar a manda esnan cu ta lesa meter den varios bario bay midi e consumo, despues di un periodo di 38 dia.
E grupo di Rainbow Warriors International a puntra e lesador di meter pakico NV Elmar no por a midi e prome dia despues di dianan di fiesta, esta Dialuna 3 di Mei, y e contesta tabata: Tin cu check esey cu gerencia.
E grupo local, como organizacion di medio ambiente, kier puntra miembronan di Parlamento, con a para cu e “supuesto maneho nobo” pa cu tarifa di WEB y Elmar, y e posible reduccion di e Brandstofclausule.
Nan ta kere cu cobra un luna di consumo electrico cu ta cubri un periodo di 38 dia, ta un abuso di marca mayor, y indudablemente lo causa hopi dolor pa esnan di menos recurso y pensionadonan cu den e temporadanan aki di calor, ta haya nan obliga di gasta mas coriente cu normal.
Un suplica ta bay na Ministro Mike de Meza, pa instrui WEB Aruba NV y NV Elmar pa pone un maneho estricto cu un “luna di consumo” di coriente no sobrepasa 31 dia mas, pa asina sikiera yuda alivia e pago di e gastonan di consumidor chikito.
Corecto, pakiko ta e pueblo mester bira de dupe van de situatie? Pakiko gobierno no ta hasi un esdudio cuanto e salario nan ta y comparanan cu caminda pueblo tin cu paga ta demasiado halto. Pakiko no ta hasi un manera di informa tur ambtenar cu nan tey pa duna servicio y nan cu cu traha tambe.” Esun cu no traha no tin derecho di come” esey Jesus a bisa pa esnan cu ta yama nan mes Christian cu no kier traha. Mas A.O. mas gasto tin pa e pueblo. Ban traha y nivela e salario nan cu tur hende por biba, no manera e ta awor, mas nan tin mas nan kier sino nan ta srtike.