ORANJESTAD (AAN): Un atraco arma a sosode riba un supermercado chines na Primavera diadomingo anochi. Dos homber habla Spaño a comete e atraco y laga atras tambe un persona herida cu kap na cabez.
E atracadornan despues di a comete nan fechoria cu arma di candela den man a menaza y bay cu un Lancer aña 1998 color berde A-9035.
Polis a ser yama mesora. Un mucha cu lo tabata den e auto of den cercania a spanta y mester a worde atendi pa slachtoffer hulp.
Ambulance a presenta y a haya necesario pa hiba e victima herida pa hospital pa tratamento medico. Polis a pidi tambe pa manda e atraco team na e lugar. A cuminza cu un investigacion mesora y te cu ayeranochi lat no a localiza e Lancer berde.
Patruyanan di polis riba caya tabata atento buscando e atracadornan. E team di atraco a papia cu algun persona den vecindario pa purba haya nan declaracion pa yuda na pone man riba e atracadornan aki.
