ORANJESTAD (AAN): Louis Vuitton, e marca luhoso lider di mundo, a revela su prome boutique na Republica Dominicana dia 9 di juni ultimo. Un dia prome cu e apertura, e di 452 tienda a worde celebra durante un evento glamoroso den Museo de las Casas Reales (Royal Houses Museum) den e lugar historico di Santo Domingo, conoci como “E prome Ciudad di Mundo Nobo” ya cu e tabata e lugar caminda Columbus a establece na 1494 su prome campamento cu despues a bira e luga regional for di unda Corona Spaño tabata goberna.
Rond di 150 personalidad Dominicano di sector comercial, social y di escena di moda a atende e evento aki caminda e anfitrion tabata sr. Yves Carcelle, Presidente y CEO di Louis Vuitton. Celebridadnan importante manera e yiu muhernan di Minister di Relacionna Exterior, Nicole Morales de Bogaert y Cecile Morales de Vitienes; personalidadnan di sociedad Patricia de Moya y Sarah Moya de Bonarelli; empresarionan Luis Emilio Vellutini y esposa Olga Manzo de Vellutini; personalidad di turismo Papo Bancalari y Presidente di Orange / France Telecom, Jean Marc Harion a embeyece e ceremonia.
Na entrada, e huespednan por a aprecia piesanan special di e coleccion di Louis Vuitton manera e legendario cama-maleta di 1898 traha di zinc y koper. E punto culminante di e anochi tabata musica di e banda Los Informales, cu a presenta un mescla di Merengue y Hip-Hop. Despues di e actuacion di e ritmo explosivo Caribense, e DJ a bolbe y a entretene e huespednan cu musica bailabel te laat anochi.
E siguiente dia huespednan por a testigua e ceremonia di apertura di e boutique den Blue Mall Shopping Center. E ceremonia di cortamento di cinta a worde presidi pa sr. Yves Carcelle, Presidente y CEO di Louis Vuitton, kende a para banda di e famoso presentador di television Pamela Sued y Miss Republica Dominicana Universe 2009, Marianne Cruz, pa corta e cinta y oficialmente habri e boutique. E anochi di cocktail a trece hunto rond di 200 invitado di personahenan di sociedad, clientenan y ehecutivonan di Louis Vuitton.
Durante su discurso, sr. Yves Carcelle a enfatisa riba e acuerdo di colaboracion cu Aldeas Infantiles SOS Dominicana, como parti di e aliansa internacional sera entre ambos institucion, na inicio di e aña’ki.
“Transmitiendo “savoir-faire” y tradicion ta un di basenan di nos fundeshi. Preserva pasado y preparando pa un futuro mas briyante ta balornan fundamental cu a inspira nos pa mas cu 150 aña. Awe nos ta orguyoso y contento pa cuminsa nos biahe nobo cu Aldeas Infantiles SOS Dominicana.”
