Waya a keda colga y Elmar mester a actua
ORANJESTAD (AAN): Un truck rancando container a ranca waya y a kibra un palo di luz na Pos Chikito. E truck grandi lastrando un container di 40 pia a ocasiona e accident. Consecuencia di esaki tabata cu algun habitante di Pos Chikito a keda sin coriente. E chofer di e truck a bay horta un shot cruzando di un banda pa otro net pariba di Oduber Weldingshop. El a logra pasa e wayanan di coriente pero esun di cable si tabata demasiado abao. Den e rancamento el a kibra un palo di luz den dos.
Polis a ser yama.
Naturalmente Elmar tambe y mesun personal di ATCO a bin pa mira e situacion.
E caminda cu ta pasa dilanti di Isla Di Oro a worde sera un rato te ora cu Elmar a caba di haci su trabao. Tin un ley a pasa cu ta papia tambe di e haltura di e wayanan y vehiculonan riba caminda.
