Presidente di Comision drs. Paul Croes:
Pero prome tin cu cera e buraconan den e proceso di trata caso
ORANJESTAD (AAN)– Kico ta e aspectonan cu e Comision di Staten pa Abuse Sexual di Menor a tene cuenta cune, pa duna gobierno conseho, ta un otro tema cu Presidente di e Comision, drs. Paul Croes a menciona den entrevista cu DIARIO.
Drs. Paul Croes a señala cu e Comision a tene cuenta cu tur aspecto cu tin di haber cu abuso sexual di menor.
Por ehemplo, aworaki na momento si un mucha chikito wordo abusa riba un diabierna e tin cu warda te cu dialuna pa e wordo hiba un docter di cas, y tambe ta dura largo pa e caso wordo trata pa JKP, y e ta haya cu e coordinacion entre e diferente departamentonan concerni, por ehemplo cu Voogdijraad, no ta esun di mehor.
Na su opinion tin cantidad di problema grandi den henter e cadena di abuso di menor y e proposicion di e comision ta pa cera tur e buraconan aki prome cu introduci castigo minimo.
Parlamentario drs. Paul Croes a indica cu si introduci e ley prome sin cu a mehora tur e buraconan cu tin den e proceso, Huez lo no bay tin suficiente prueba pa duna e abusador un castigo halto.
E comision ta boga no pa castigo minimo, sino pa castigo maximo pa e abusadornan di menor.
El a agrega cu tabata un trabao grandi locual e comision a haci pa compila tur e informacion cu nan tabata tin mester, door di e instancianan cu ta traha riba tereno di abuso sexual di menor, y pa nan trece un opinion responsable padilanti, e forma aki ta esun mehor pa trata di resolve e asunto aki.
Que tal si e abusador a haci lo peor cu ainda nos no conoce na Aruba cu ta abusa djei mata? Of simplemente abusa e mucha y lage handicap mental? Of abusa e mucha cu ela bira despues un mucha problematico cu ta costa henter e systema milliones pa remedi, psychiater, polis, corte, prison, paaz, of bai hasi danyo ne comunidad door di ripiti loke nan a hasi cu ne? Castigo Maximo ta chens pa cu nunca nan NO lo bay haya e casigo mane mester ta, paso semper te cu awe nan a mustra cu e no a funciona. DUs cua speransa tin cu castigo maximo si ta bay yuda? Pesei castigo minimo ta conta y tin mas peso, paso ya nan tin un nr. di cantidad di tempo di libertad SIGUR perdi di nan bida den prison, dus nan sa cu esaki ta LEY. E ora kizas nan lo bai mengua nan maldad. Pero casigo maximo ta posibel por baha total na dia, luna door cu toch no a haya suficiente prueba aunke nan a declara cu nan a hasie si.