- Advertisement -
ORANJESTAD (AAN): Diasabra cu apasa, e feliz pareha Jarindo Brokke y endrina Boekhoudt a bisa si na otro dilanti oficial di Registro Civil, pa asina cuminza nan bida como esposo y esposa.
Esaki a socede na Stadhuis y a conta cu testigonan Alex Brokke y Francie Celaire.
Atardi nan ricibi e bendicionan nupcial na Misa Santa Filomena na Paradera, y como padrino tabatin Gian Boekhoudt, y madrina ta Crina Boekhoudt.
Despues di eaki a sigui un recepcion bon anima na cas na Koeriboeri, cu animacion musical di Tsunami como tambe Miniteca Mige. Invitadonan a disfruta di un fiesta all-out, cu animacion fabuloso, y delicioso catering, como tambe bon servicio di bar.
Masha pabien na e pareha.
Fotos: Raquel Diseño: Francie
- Advertisement -
