Rossini van Wijk exitoso atrobe!

Su reina a gana pa mihor disfraz representando Hulanda

ORANJESTAD (AAN): For di Istanbul a yega e noticia cu e representante di Hulanda, Ms Djamila Melcherts, a logra di bay cu e titulo di Best National Costume pa Hulanda durante e Certamen di Miss Civilisation Of The World 2010, cual a tuma lugar diadumingo 14/11, na Istanbul, Turkia.

   E trahe di Djamila ta un creaccion di e Arubiano Rossini van Wijk, cu ultimamente ta diseñando pa varios Missnan cu ta bay representa Hulanda den varios certamennan di Bellesa.

   Ya caba ta di 5 vez cu Rossini ta gana es premio aki pa Hulanda. Riba e potretnan por aprecia e Trahe Ganador, y Djamila Melcherts, representando Hulanda.