ORANJESTAD (AAN): Diasabra dia 8 di januari Westin Aruba Art Gallery ta habri e promer solo exhibicion di e fotografo local Annemiek (Miki) van Vliet.
Miki ta un fotografo amateur, cu ta gusta saca potret den naturaleza, pero tambe di architectura. E ta sinti mas pa e rol scientifico y periodistico di fotografia como documentacion social, dato visual, y medio di comunicacion, pero si cu wowo pa buniteza. E ta trata di captura e momento decisivo na unda harmonia visual inespera ta revela un ambiente y nificacion significante; un momento cu den un rato ta cambia of desaparece.
E ta yama su mes un hobbyista cu un wowo observante cu ta usa fotografia pa duna un testimonio real, pa persuacion, pa entretenemiento y pa expresion personal, of na otro palabra, como un medio grafico pa mustra e mundo real. Cu e exhibicion aki e ta desea di comparti un tiki di e buniteza di e mundo aki cu otronan kizas no tin oportunidad di explora.
“Si el a captura mi wowo, hasta sit a den mal estado, mi mester a wak buniteza den dje y esey ta loke mi kier comparti sperando cu mi por laga otronan wak e tambe, kizas djis door di baha velocidad un rato y para wak y trata di mira patras di e fachada en bez di sigui core den e bida pura cu nos ta bibando.”
E exposicion ta habri tur dia di siman te dia 4 di februari na Westin Aruba Art Gallery. Bo ta bonbini.
