Home General Gobierno ta spaar mas di 5 miyon Florin cu e conseho di...

Gobierno ta spaar mas di 5 miyon Florin cu e conseho di ministro actual

1
0
SHARE
- Advertisement -

Mike Eman:
Si e ley di versobering drenta den vigor di inmediato. ORANJESTAD(AAN)– Prome minister Mike Eman a bisa cu si e miembronan di Parlamento y Ministernan no por pone den nan mes pa haci cambionan cu e comunidad aki ta bringa y yora pe, anto e ora e base y fundeshi cu mester tin den comunidad bo no ta pone. El a mustra cu e cambionan aki mester demostra cu e politiconan tey pa sirbi comunidad, cu esey ta e motivacion. Y a enfatisa cu no kier haci populismo cu e tema aki pasobra ta algo cu nan a papia di dje caba for di tempo di oposicion.
Demostrando cu e no ta haci politica, e mandatario a elogia e manera sincero con Parlamentario drs. Marisol Lopez Tromp a trece su pensamento dilanti, mustrando con esnan di pasado a sacrifica hopi di nan bida sin haya un compensacion adecuado.

“Pesey mi no tey awe pa bisa cu ningun miembro di Parlamento of di un gabinete mester di un pensioen, of cu ningun persona tin derecho riba compensacion …,” Eman a bisa.

E intencion di ley ta pa duna siguransa na e Parlamentario y Ministernan di awe pa futuro. Pero e compensacion no mester ta exagera of desproporcional.

El a papia cu e Parlamentarionan mester uza nan consenshi pasobra si bisa SI na e ley, eyfo lo haya e reconocemento pa a vota na fabor di trece cambio.

Eman a nota cu den prome tanda cu fraccion di AVP ta na fabor di e cambionan den e ley di pensioen di Parlamentario y Ministernan.

Den caso di oposicion, el a mira cu Andin Bikker a indica cu e base di e leynan aki por tin su sosten, pero kier mira un tipo di overgangsregeling. Riba esaki e mandatario a bisa, cu nan kier mira un efecto di inmediato y cu un overgangsregeling e no ta duna e resultado cu kier mustra na pueblo.

Pues e sacrificio mester ta di inmediato. Den fraccion di MEP Gobierno a sinti diferente coriente.
Un ta di esnan cu a sirbi hopi aña caba, cu ta sinti cu nan no ta haya e merito y recompensa husto cu un politico cu a sirbi asina tanto aña merece.

Otro a papia di ingrediente den e ley cu ta nifica mehoranza pa e politiconan cu ocupa un puesto. Y a tende algun papia cu tono sincero di kier haci diferencia. Pues el a mira cu e fraccionnan por haya otro pa mustra cu tur hende ta den Parlamento y Gobierno pa sirbi pueblo.

Pa loke ta e cifranan cu a pidi, Eman a duna su ehempel caminda den e situacion bieu e por haya su pensioen di 4 mil y pico riba su salario como Minister President ora cu e cumpli 50 aña na 2011.

Esaki si no pone e ley traha di inmediato. Y si na 2014 e dicidi di retira, e lo por cobra pa aña 123 mil florin na pensioen acumula tur aña. Pero esaki no por cu e ley nobo. El a splica tambe cu no tabata facil pa tuma e decision, pasobra den Conseho di Minister tin 5 persona cu tin 4 of 8 aña acumula.

Y a discuti si ta pone traha pa awor of den futuro. Y a tuma e decision pa e bay na vigor di inmediato, y Gobierno ta spaar cu e actual Conseho di Minister mas cu 5 miyon florin, kendenan ta entrega esey bayendo di acuerdo cu e ley nobo.

Den e regla bieu su persona lo haya un pensioen di 10.300 florin y den e regla nobo e lo bira 8307 florin. Pues a bay atras 2 mil florin pa luna. Cual no ta cuadra cu e splicacion cu e miembro di Parlamento Evelyn Wever Croes a trece dilanti.

- Advertisement -

DUNA COMENTARIO

Please enter your comment!
Please enter your name here