Home Hudicial E forma riba cual e control di 100% ta wordo hasi na...

E forma riba cual e control di 100% ta wordo hasi na Schiphol, no ta basa riba ley

3
5
SHARE
- Advertisement -

JudicialCorte di Amsterdam a dicta:
ORANJESTAD(AAN): Recientemente DIARIO a ricibi un carta interesante di parti di un abogado Hulandes esta Brechtje Haverkate di HRM Advocaten. Den e carta el a splica cu tin algo cu no ta cuadra pa loke ta e 100% control cu ta wordo ehecuta na Schiphol riba e pasaheronan. Haverkate a splica cu tur pasahero cu ta biaha pa Hulanda for di por ehempel Suriname, Aruba, Venezuela y e otro islanan den Caribe ta wordo controla inhustamente, unda cu inhustamente varios pregunta ta wordo hasi na nan.
Ta asina cu si durante e control na Schiphol un persona no coopera completamente cu dunamento di informacion, e persona ta wordo hiba pa un camber di control separa, unda cu nan por dune un multa pa no cumpli cu un orden di parti di un ambtenaar..

E abogado a bisa den su carta cu e tambe ta wordo escogi cada biaha y ta wordo controla, door cu e ta biaha su so. Nan sa puntre por ehempel kico el a bay hasi na Corsow. Nationale Ombudsman di Hulanda a sigui e desaroyonan pa loke ta e 100% control di cerca y ta califica esaki como algo contra honor di e ser humano.

Pa por determina si un persona a kibra e ley di no cumpli cu peticion di e funcionario, ta importante pa determina si e orden pa e persona duna informacion durante e control, ta basa riba un autoridad legal.

Corte di Amsterdam recientemente a determina cu esey no ta e caso, pues cu e controlnan no tin un sosten di ley den tur aspecto. Esaki a resulta den un caso unda cu un persona di Suriname a wordo deteni pa Marechaussee na Schiphol, ora cu durante un control nan a hasie varios pregunta tocante e motibo di su viahe etc. y el a nenga di hasi esaki.

El a wordo deteni pa no sigui orden di douane, basa riba articulo 14 di e asina yama ‘Communautair Douanewetboek’. E articulo aki ta bisa nada mas y nada menos cu tur persona cu ta envolvi den transaccionnan den cuadro di trafico di productonan, mester coopera totalmente cu autoridadnan di douane, pa loke ta informacion etc.

Segun e ley di Douane, e orden pa un persona duna informacion por wordo duna solamente si e persona cu ta wordo controla a comete un infraccion pa loke ta importacion of exportacion di productonan.

Hof a dicta cu un peticion pa un persona duna informacion no mester wordo honra pa e persona, den un situacion unda cu no ta cla ainda si ta trata di exportacion of importacion di producto.
Hof a enfatiza cu ambtenaarnan di douane tin e autoridad di hasi control pa loke ta entre otro traficacion di droga.

E autoridad aki tin un caracter mas pasivo. Pidimento di informacion prome cu por papia di control di droga, mester wordo considera como prematuro. E carta di e abogado Hulandes ta sigui bisa cu mientrastanto Minister Opstelten di Seguridad y Husticia a laga sa cu loke hof a dicta no ta nifica nada pa loke ta legalidad di e control di 100% na Schiphol y cu pesey e controlnan aki ta sigui normal.

Segun abogado Haverkate, asina e Minister ta neglisha e hecho cu Hof a determina cu tur entrevista/interogacion den cuadro di e control di 100%, falta base legal. Cu otro palabra, ta sea e ley mester wordo adapta of e controlnan mester stop.

Pues ta un hecho cu pasaheronan sin sa ta wordo obliga di duna contesta na tur sorto di pregunta, sin cu esaki ta determina pa ley.

- Advertisement -

5 COMMENTS

  1. mi tambe ta contra loque ta pasando na shiphol mi ta un arubiano mi ta trahando na hulanda mi a sali di aruba dia nuebe di janiuari pa hulanda ora mi ajega hulanda mi a pasa door di duane tur cos tabata mustra ok pero ora mi a bai regohe mi maleta mi no por a hanja mi maleta riba e ban basta rato mi ta buscando mi maleta e ora mi di no tin un cos cu no ta bon mi a bai reclama na duane baiendo na pa reglama mi handbag tres polis di duane a bin riba mi un di nan a laga mi mira su bage di polis i el a bisami cu nan tin mi handbag cu nan i nan a controle pero ora mi a wak bon mi a conose un di nan na curacao ora nos a hasi non stop enan encreible sin pensa cu nan ta tin bista riba mi pero strano ta con nan a jega na mi hand bags i mi nomber mi a manera hanja un pogo miedo pero mi a keda tranquil pasobra mi no a hasie nada malo pero un cos cu mi no a custa ta con nan a coi mi handbag sin mi ta sa i controle si cu mi tapresente pa wak esey tabata mi pregupacion pasobra nan por a pone algo aden i despues acusami di dje i esaki no ta prome biaha ta di tres biaha cu mi ta wordo controla asina no por

  2. Ta pesei cu pa mas cu 17 anja mi ta biaha via di Merca pa mi yega Aruba. Resultado, mi no ta wordo molestia dor di e duanero na jegada na Hulanda!

  3. wel wel,,,, ami ta bisa lo k ami a pasa den. den prome luga, hulanda su economia no ta mucho bon ke digamos, 100% controle,Marechaussee ta hopi contento cune, pasobra nan tin un bon salario, fuera lo k nan por traha na banda.. ami a kai sera pa trafico di sustancia controla na 2010, mi tbt tin un x kantidad di sustancia den mi bariga, ora cu ma expulsa tur, riba papel tbt tin un kantidad cu no tbt esun cu ami tbt tin,, osea nan a HORTA VARIOS 100gr, y Asina ami mes apasa aden, y otro detenidonan tambe cu e mes un storia,, schipholl ta lo mas corupto cu tin.. prinsipalmente Marechaussee! nan ta purba horta tur lo que nan por, si Marechaussee tambe hanja 100% controle na pia di trabao. hopi di nan tambe lo kai sera!

  4. Na prome lugar ami a jega di traha den corte di justicia i mimes a ripara kuanto inhusticia ta pasando i kuanto maldad tin den un ofisina di justicia mes. mr Huber Maduro ku mester a bai ku pensioen i awor mi ta supone ta ku arbeidskontraktant e ta mes ta hasiendo inhusticia den corte. danki na e meneer ei mi ta perdiendo mi trabow e kier a kima mi pan pami. pero tin un Dios ariba nos kabes. un dia Dios mes lo hasi justicia. i e meneer aki lo hanja for di nos Dios.

DUNA COMENTARIO

Please enter your comment!
Please enter your name here