Home Politica PDR por test si bo aparatonan electronico ta consumi coriente di mas

PDR por test si bo aparatonan electronico ta consumi coriente di mas

0
0
SHARE
- Advertisement -

Lider fraccion mr. Andin Bikker pa pueblo:

ORANJESTAD (AAN) – Den su esfuerzo pa yuda pueblo baha su costonan di consumo di awa y coriente, fraccion di PDR a presenta un proposicion na Parlamento ya cu tin hopi reclamo ta yega na Parlamento, di hendenan cu no por paga nan cuentanan.

Tin ciudadanonan cu no ta compronde di con nan ta paga asina hopi, si ta un frigidaire so nan tin, etc.

PDR a cuminza cu un campaña di concientizacion, y nan ta bayendo diferente cas, pa mustra un di e aparatonan cu tin riba mercado actualmente, cual ta midi, por ehemplo, cuanto coriente un frigidaire ta usando.

Parlamentario Andin Bikker, lider di e fraccion, a splica den conferencia semanal di prensa, cu por compara e resultado cu e cifranan cu ta sali riba internet, y por wak si e aparato electrico den cas ta gastando hopi coriente.

El a bisa cu hopi biaha un consumidor no ta realiza cu e frigidaire of e televisor cu e tin no ta esun di mas eficiente.

El a reitera cu aparatonan electronico cu tin den un cas, cu kizas a costa e consumidor masha barata mes, nan no a realiza cu na termino mediano of largo ta bay costa nan mucho mas placa.

Pesey PDR ta bishitando casnan unda cu nan ta desea esey, pa haci un sondeo cu e sistema cu el a mustra, pa wak cuanto coriente nan aparatonan electronico ta gastando y si esaki ta den e margen eficiente den uso di energia of no.

Esnan cu ta interesa pa PDR pasa bishita e cas pa haci e test, por tuma contacto libremente sea via Parlamento of via cell 730-0000, mr. Andin Bikker a duna di conoce.

- Advertisement -

DUNA COMENTARIO

Please enter your comment!
Please enter your name here