Colornan fuerte pa un “look” especial durante actividadnan di Carnaval 57.
ORANJESTAD (AAN): Semper na vanguardia di beyeza, Beauty Team, ta ofrece un especial sumamente atractivo pa e temporada di Carnaval. Mechas di colornan vibrante manera e.o. “lime green”, “bubble gum pink”, “electrify blue”, “sunrise yellow”, “very violet”, y “loud orange” ta colornan cu e salon di beyeza ta ofrece.
Estilonan sumamente varia por worde realisa y Beauty Team ta presenta diferente opcionan pa cuadra cu budget di tur hende. Pa esnan cu no kier tin e “highlight” di color permanente e salon ta ofrece “clip ons”.
Cu esaki e persona por clip e extension di color fuerte ora e bay actividad di carnaval y na momento di yega cas ta los e clip y ta cla pa bay traha e siguiente dia.
Tambe Beauty Team ta ofrece “neo extensions” den colornan natural y tambe den colornan fuerte caminda cu e cliente mes por dicidi cuanto extensions e ta pega den su cabey pa asina duna un “look” diferente pa e temporada actual.
