Cu mas produccion y articulo na benta pa sostene tur nos cunukero y criadornan di bestia
ORANJESTAD (AAN): E Management Team di Santa Rosa ta sumamente contento con poco poco e planes nan positivo pa desaroya e productividad y objetivonan primordial di e Departamento ta canando ariba un bon caminda. Despues cu Minister Oduber, encarga cu e Departamento di Agricultura , Cria y Pesca y cu un vision inovativo y determina, a pone plaka disponibel pa yuda Santa Rosa logra su objectivonan, poco poco por cuminsa wak e resultadonan positivo di esaki.
Ta importante pa cuminsa na remarca cu prijs di berdura y fruta y otro productonan ta subiendo mundialmente di prijs y awor ta e momento pa tur hende tuma e initiativo pa cuminsa cu nan propio produccion y asina cosecha bo propio cumindanan. Pa loke ta trata e parti di Agricultura [attachment “DSCN0348.JPG” deleted by Nathalie Maduro/DLVV/DIADomino] ya varios berdura a ser cultiva y asina poco poco lo sirbi pa demostra cu Aruba por produci su mesun productonan cu un debido planificacion y perseverancia, especialmente awor cu nos ta bendiciona cu un temporada largo di yobida.
Actualmente Santa Rosa tin variedadnan di simiya di diferente tipo di berdura y fruta como tambe productonan pa mehora bo produccion. Tin entre otro, simia di Promenton ,Lechuga, Berehein, Patia, Boonchi largo, Milon, Comcomber chikito, Comcomber di salada, Pinda ,Tomati, Maishi grandi , Maishi rabo, Pampoena ,Cilantro, Yambo y mucho mas.
Prijs di berdura y fruta ta subiendo mudialmente y awor ta e momento pa tur hende tuma e initiative pa cuminsa cu nan propio produccion y asina cosecha bo propio cumindanan.
Santa Rosa ta ofrece tur simiya na un prijs barata pa asina yuda tur cu kier cuminsa cu nan mesun produccion. Pasa buska esun di bo y lo bo wak cu den apenas 4 dia con bo simianan ta cuminsa subi tera y cada un di e simianan aki ta tarda mas of menos un luna y mei pa bo por haya bo cosecha. Unicamente Pinda ta tuma un total di 90 dia pa e por worde cosecha.
Pa esnan cu ta prefera di cumpra mata, Santa Rosa ta ofrece entre otro mata di Bacoba , Guyaba, Sorsaka,Tamarijn, Mispel Lamunchi, Appelsina ,Mango y tur na un prijs hopi special. Tambe tin diferente sorto di matanan local pa embeyece bo jardin of tereno y sostene nos flora local.
Pa loke ta trata nos Criadornan di Bestia, Santa Rosa ta anuncia cu nan lo inicia cu nan servicio di dekmento pa esnan cu kier introduci rasa mas puro of rasa nobo den nan grupo di carne of cabrito, pero ta pidi tur persona pa yama Señora Rebeca Franken-Croes pa haci un cita prome cu bo trece bo bestia.
Tambe ta participa cu nan “Tienda Santa Rosa” a caba di ricibi un cargamento grandi di cuminda nobo pa Cabrito, Carne y Porco manera entre otro cuminda concentra como tambe 2 tipo di hooi di bon calidad y cu un cantidad halto di proteina y vitamina pa asegura un bon nutricion pa bo bestianan.
Tambe a ricibi un cantidad grandi di articulo nobo pa duna un mihor cuido na bo bestianan manera entre otro; Ear tags (Marca pa orea), Rototag pliers, neck tag marker, Tri-con spray gun, power flow nozzle, U shaped ear nothcer, hemchi special pa mekinan bebe lechi, nipple special pa meki, pig nipple drinker, poly grain hay/grain fedder, sheep cane pa por gara e bestianan chikito di un manera mas sutil, nylon sheep/goat halter y hopi mas.
Pa loke ta trata e servicionan di mantencion di tereno y otro servicionan di maquinaria pisa, actualmente Santa Rosa ta haciendo un inventario completo di su fleta y ta haciendo un servicio complete di tur vehiculo pa asina e departamento aki tambe por ta cla pa duna e servicionan necesario na tur nos cunukeronan.
Tambe pa esnan cu tin un tereno bashi y kier cuminsa cu nan mesun cultivo, semper por pasa libremente of yama Santa Rosa su oficina na Piedra Plat (5858102) y aki un di e expertonan lo yudabo cu cualkier informacion cu bo mester pa haci bo produccion uno exitoso.
Manera cu ya Minister Otmar Oduber como tambe e Management team a anuncia, pa 2011 lo bay tin hopi proyectonan positivo pa sostene tur nos Agricultornan, Criadornan di bestia y Piscadornan.
Nos mester traha awe pa asegura nos seguridad alimenticio cu ta saludabel pa nos tur y e generacion venidero. Keda pendiente pasobra pronto lo tin mas sorpresa y corda pasa bishita nos oficina principal situa na Piedra Plat 114-A.
