Home General Booshi Wever a entrega carta oficial di retiro na Presidente di Parlamento

Booshi Wever a entrega carta oficial di retiro na Presidente di Parlamento

4
0
SHARE
- Advertisement -

ORANJESTAD (AAN): Entrante diaranzon, dia 27 di Juli, 2011, Presidente di Parlamento a ricibi e carta oficial di parti di drs. Booshi Wever, kende tabata lider di fraccion di MEP.
Den e carta aki, Sr. Wever a menciona di no ta formando parti mas di fraccion di MEP. Si e lo sigui eherce su funcion como parlamentario, defendiendo interes general di pueblo.
Segun drs. Paul Croes, presidente di Parlamento a comenta, Staten a ricibi e notificacion di Sr. Wever cu e lo ta entregando e carta oficial.
Den curso di e ultimo lunanan tabata tin diferente discusion den seno di partido MEP, pa loke ta trata e liderazgo di fraccion y esaki ta culmina den e retiro di Sr. Wever como miembro di fraccion di MEP.

Esaki pa parlamento di Aruba ta haci cu lo tin cambio un biaha mas. Desde aña pasa december, tabata tin cambionan a tuma luga, despues cu dos miembro di fraccion di MEP, a haci nan mes independiente, cambiando e constelacion di fraccion di MEP.

Awor aki tin un otro cambio tumando luga. Esaki ta un aña politicamente hopi dinamico pa parlamento di Aruba, caminda cu a conoce hopi cambio den constelacion. Esaki naturalmente pa e parti administrativo di parlamento, e ta duna un cierto tarea adicional pa haci pa por acomoda e diferente constelacionnan nobo cu tin.

Awor aki, drs. Croes a sigui bisa, parlamento di Aruba lo ta consistiendo di 12 miembro di fraccion di AVP, 5 miembro di fraccion di MEP, 1` miembro di fraccion di Democracia Real y 3 miembro independiente.

Tin di compronde cu Sr. Wever lo a menciona cu e lo no kier haya e titulo di miembro independiente, pero segun reglament van orde no conoce otro forma di parlamentario, por ehempel Parlamentario Sui Generis of di pueblo. Tur ta parlamentario di pueblo.

Cambio lo bay bin, pero stroba si e no lo stroba. Si pone asina, e ta bin na un bon momento pasobra parlamento ta den reces. Ta haya e oportunidad pa haci preparacionnan pa e aña parlamentario nobo cu lo start dia 1 di September, pero si lo tin hopi cambio den cierto comisionnan.

Sr. Wever den e caso aki lo ta participe na tur comision den parlamento. Sr. Wever lo worde considera como un miembro independiente. E lo tin mesun derecho cu Sr. Andin Bikker, Señora Marisol Lopez-Tromp y señora Mervin Wyatt-Ras cu tin den staten, pero si administrativamente lo tin cierto cambionan tecnicamente pa motibo cu na e momentonan aki, tin e camaranan den sala y mester haci cierto ahustenan tambe.

Tambe cambio di nomber di Sr. Wever den staten como parlamentario independiente.
E caso di salida di Sr. Wever for di fraccion di MEP ta haci cu posiblemente lo haci cu lo tin menos miembro di parlamento den cierto comisionnan.

Pa loke ta AVP, esaki no lo sinti e cambio, mirando cu esaki no ta sosodiendo den seno di e fraccion berde. Pero esaki lo keda discuti dentro di poco.

Na e momentonan aki, segun drs. Croes, Sr. Wever lo ta miembro di tur comision, caminda e ta representa awor aki. MEP lo mester haya un hende extra pa motibo cu nan a perde Sr. Wever den dje of tin di nan cu si nan ta representa cu dos of tres hende, nan lo keda na dos.

- Advertisement -

DUNA COMENTARIO

Please enter your comment!
Please enter your name here