ORANJESTAD (AAN): Recientemente Westin resort & Casino Aruba tabata e ‘host’ pa e bruid y fiesta di e pareha di Miami Nick Sarnicola y Ashley Riggs.
E pareha ta parti di un programa documentario di television riba web di Compass Productions, yama “Power Couples”, cu ta trata di parehanan cu ta cay den e top 1% na Merca pa loke ta e salario cu nan ta gana, cu a enamora di otro tambe.
E bruid ‘fairy tale’ aki a worde teni aki na Aruba riba 11-11-11(un fecha popular pa bruid mundialmente) y el a worde graba pa e ‘reality show’.
E pareha a scoge Westin, un di e top destinacion pa bruid y otro evento den Caribe.
Alrededor di 100 persona a bin for di exterior pa uni nan mes na e celebracion ‘chic’, cu a cuminza cu un cocktail riba beach net prome cu e ceremonia.
Hors d’oeuvres a worde sirbi y tambe tuna tataki shooters, Brie, beef, tenderloin y focaccia.
Un ceremonia durante un bahada di solo spectacular, a worde sigui pa un cena riba e teraza cu bunita bista di laman, cu un premium bar y un banda live.
Despues di e cena e grupo a cana bay Bugaloe Beach Bar pa balia y exactamente 11:11pm nan a bula den awa pa celebra.
Despues cu nan a bania y cambia paña, pa e after party den Ballroom di Westin, unda nan a pasa dushi y a goza tambe di diferente cos di come manera pizza y postre, te oranan trempan di mainta.
Tur cos a worde graba pa e programa di television.
