Elton Lampe:
ORANJESTAD (AAN): For di Universidad di Merca tin un experto riba energia alternativo y ta duna un curso di e solar panel y e calculacionnan cu tin cu worde haci. E ta un persona hopi dirigi encuanto panelnan solar. El a topa cu expertonan di Elmar, WEB y DTI pa asina repasa un tiki cu nan riba e importancia y mas riba tecnologia di panel solar.
Elton Lampe ta Business Development Officer na Elmar. Den entrevista el a splica mas di e training cu nan tabata hayando. Den Green Aruba di aña pasa a menciona cu TNO lo percura pa un facultad na Aruba. Awo nos ta den e prome siman cu ta hayando un solar system design & instalation.
E beneficio pa Elmar den nan parti pa asisti na e trainingnan aki pa Elmar tin un vision riba desaroyo sostenibel pa Aruba y pa sondea kico ta e posibilidadnan pa bay mas den direccion di solar system tambe. Tin cas cu tin panel solar. Tin un policy andando cu ta laga un instalacion di 5 kw pa residencia.
Tin un policy nobo cu ainda ta den parti di aprobacion, parti huridico cu lo bay worde anuncia pronto. Si sigui noticia, Elmar tambe ta bezig cu un parke solar dilanti di aeropuerto. Pronto lo anuncia kico ta e desaroyo riba esaki.
Elton Lampe a splica cu ora mira kico ta pasando internacionalmente por mira cu e posnan di Petroleo barata ta cabando. Aruba mester traha pa ta mas independiente di fuel oil y ta importante pa bay over pa bay den direccion di energia alternativo.
Diferente stap lo bay tin cu worde tuma poco poco, no solamente di energia solar y biento tambe ta mira vision pa bin cu autonan electrico na Aruba y esaki tambe ta full un desaroyo cu no solamente pa nos mes cu como residentenan lo core autonan mas limpi y uza energia limpi, pero tambe cual ta un promocion pa Aruba cu nos ta bayendo den un energia limpi, un energia berde. Un futuro mas sostenibel.
Lampe a comenta tambe riba cambionan den cierto reglanan di maneho pa por acomoda molina di biento tambe den hogarnan na Aruba… Elmar mester pone cierto meter special ora cu un hende kier uza panel solar of molina di biento cu ta produci coriente.
Loke ta tumando luga Elmar ta tuma energia den dia y anochi e consumidornan ta tuma e energia back. E diferencia lo worde paga fin di luna. P’esey hopi hende ta paga un suma hopi abao. Nos no tin otro choice, of ta bay na merced di e prijsnan cu por ta lo sigui subi y no mester ta un sabio pa mira cu energia lo bay sigui subi.
Sr. Lampe ta kere cu e panelnan solar na prijsnan ta bahando drasticamente cu e desaroyo cu tin mundialmente. Esaki ta e futuro. Awor aki e milenio 2000 padilanti ta un milenio di energia solar, di biento y di energia alternativa. Nos tin di bay den e direccion aki.
Lampe y varios di e otro participantenan tin e antecedente di electro technicus y a ricibi varios informacion. Esaki ta un recap di e desaroyonan cu tin awendia, a bisa.
E ta pusha nan pa pensa di nobo kico a falta durante un para di aña pasa. E ta un bon curso cu por pusha no solamente esnan di Elmar, pero tambe DTI y hasta maestronan di EPI cu ta atende e curso aki pa pensa riba e direccion nobo cu loke nan kier pa Aruba tambe.
