ORANJESTAD (AAN): Mañan anochi den Cas di Cultura ta tuma lugar e seminario “Con pa cuminsa come Vegetariano”.
E seminario aki lo atende cu e topico; kico kiermeen come vegetariano, anatomia di nos curpa, kico ta e ventahanan y kico ta carni vegetal. Un docter y un nutricionista lo splika riba e aspectonan di salud y nutricion. Ta pidi pa tur hende yega trempan ya cu portanan ta habri 6:45 PM.
Ultimamente oranisacionnan manera World Health Organization y tambe hospitalnan reconoci mundialmente ta recomenda pa hende come mas “Plant Based Diet” esta cuminda basa riba fruta, berdura y grano pa asina hende por biba mas largo envez di cu ora ta laat tin cu tuma un cantidad di remedy of opera.
Ultimo estudionan ta indica na un manera hopi cla cu si hende come vegetariano su celnan ta renoba su curpa na un manera mas rapido y efectivo cuidando asina cu vitalidad bo salud.
Siendo vegetariano lo bo tin mas energia, bo cuero ta mustra mas hoben y cuida y bo curpa ta libra su mes di Colesterol y Vet Satura cualnan ta menasanan serio pa salud di hende.
