ORANJESTAD (AAN): Recientemente tabata di bishita na Aruba pa promer biaha un grupo selecta di periodista nan procedente di Noruega invita door di Aruba Tourism Authority.
Nan tabata un total di 7 periodista di diferente revistanan como lo siguiente Señora Caroline Korsvoll & tambe Hilde Tobro di e revista Kamile, Sr. Thor Olav Moen di e revista Vi Menn, e prensa aki a concentra full ariba e parti di deep sea fishing na Aruba. Señora Mai-Britt Sverd di e revista Hjmmet, Erlend Ellingsen di Reis & Travel News ,Erik Valebrokk di Se og Hor y tambe Sr. Eivind Pedersen di e corant Dagbladet.
Sr. Ricardo Croes di ATA a keda encarga cu e V.I.P. nan aki cu a keda hopi impresiona cu e potencial nan di nos dushi Isla .Segun comentario di Señora Titti Lagerfeld cu ta e ATA Rep. di Aruba pa e area di Scandinavia, cu Norway ta e pais di mas stabil den e region ey . E pais aki no tin debe nan externo y tambe e gobierno no ta cobra pa educacion, esaki ta exactamente loke Aruba ta buscando den su turismo di nivel y nos mester ta prepara, vooral den parti di servicio.
Riba e potretnan nos por aprecia Sr. Croes di ATA na Bucuti Beach junto cu Tisa tambe na Divi Links unda nan a hospeda pa dos dia junto cu Sr. Alex Nieuwmeyer , na fabrica di Aloe, Papiamento restaurant, Charlie’s bar & restaurant. Sr.Thor Olav di e revista Vi Menn a gara un mulato di 40 liber den e boto di Driftwood. Pa ultimo nan a bishita Santa Rosa tambe.
