ORANJESTAD (AAN): Un seminario, cu tin espectativa di atrae te cu 600 profesional di salud for di Aruba y nos islanan bisiña, ta programa pa tuma luga na Radisson Aruba Resort Casino & Spa riba dia 9 di Augustus, 2012, enfocando riba cancer, tratamentonan nobo y descubrimentonan fresco.
E seminario organiza pa Dr. John Croes lo conta cu specialistanan local y internacional y carchi actualmente ta obtenibel na e Kundalini Clinic, situa na Driemasterstraat 64-A, na Madiki, Oranjestad.
Dr. Croes recientemente a modera un conferencia di prensa na Radisson Aruba Resort Casino & Spa unda el a revela e programa di e seminario na miembronan di prensa, introduciendo e nombernan di e oradornan, Dr. Luis Romero y Dr. Richard Clement, bou di e auspicionan di e Minister di Salud, Dr. Richard Visser.
Den sosten di salud y bienestar, e Kundalini clinic, y su bisiña Life Factors Membership Store ta ofrece cinco diferente producto nobo y ultra moderno, traha den un laboratorio local, percurando pa remedinan alternativo y holistico, bou di e guia di Albert Inger Croes.
Dr Croes, kende ta bin di un liña largo di curadornan local y hendenan di medicina, a rebiba e recetanan anciano di su famia y actualmente ta ofreciendo e prome cinco productonan den e tienda.
