E modelo descubri na Aruba ta forma parti di e desfilenan mas prominente di fashion weeks rond mundo
ORANJESTAD (AAN): For di Rio Fashion Week pa Mercedes Benz Fashion Week na New York, pa fashion weeks na Paris, Milan, y London…Adrian Cardoso, modelo exclusivo di KOMA MODELS, ta un hit total!
Recientemente e a forma parti di e desfile di Spring/Summer 2013 di e marca mundialmente renombra Louis Vuitton.
Fuera di esaki Adrian a forma parti tambe di e desfile di e mundialmente conoci diseñador Roberto Cavalli y tambe a modela pa e cas di moda Corneliani.
Adrian a desfila tambe na Rio Fashion Week recientemente caminda e a worde nombra “Best international addition to the Brazilian shows this season” y “Honorary Brazilian of the season” pa madeinbrazilblog.com.
Na Rio Fashion Week, Adrian a modela pa Blue Man, Coca-Cola Clothing, R.Groove, TNG, Alexandre Herchcovitch, y Auslander. No obstante e lista di editorialnan di moda rond mundo como tambe campañanan pa diferente marca di moda ta bira mas largo cada dia.
DIARIO ta manda palabranan di pabien na Adrian Cardoso y na KOMA Models pa e exito global !
