ORANJESTAD (AAN): Diasabra mainta a yega Aruba e cantante Prince Royce cu tabata tin un concierto e mesun anochi den Mansur Sportspark. Den e sala di VIP, el a wordo ricibi pa Minister Otmar Oduber y e team di Loco Lobo Productions. Den un ambiente a gradable minister Otmar Oduber a hasi entrega di un
T-shirt y un pechi cu e logo oficial di Aruba, na unda cu Prince Royce a keda hopi contento cu e regalo.
Despues a duna e oportunidad na unda prensa por a hasi diferente pregunta entre otro, prince Royce a bisa cu ta un honor pa e porta parti di e movimento di bachata ya cu e semper cu e tabata bay Republica Dominicana e tabata gusta tende e musica tropical y pe ta un gran honor di por representa su pais y tur e latinonan tambe.
El a expresa di ta hopi contento di por ta na Aruba ya cu esaki tabata su prome biaha. Prince Royce un hoben hopi amable a saca potret cu tur hende cu tabata presente e mainta aki. Anochi na e concierto el a remarca cu apenas e tabata tin un paar di ora na Aruba, pero el a keda sumamente encanta cu e isla y cu pronto e ta desea di bin Aruba pa vacantie.
Y e publico presente mes a keda sumamente encanta cu e tremendo presentacion di e magno cantante aki cu a gara tur hende den su concierto cu su tremendo musica.
