Home Policial Polisnan di Aruba y Hulanda a drenta cas na Paradera y Noord

Polisnan di Aruba y Hulanda a drenta cas na Paradera y Noord

9
0
SHARE
- Advertisement -

Pareha R y H biba na Paradera deteni:

ORANJESTAD(AAN):Diabierna mainta un batayon di polis di Aruba cu nan cacho, recherche di Aruba sosteni pa team di recherche RST di Hulanda a drenta un cas na Paradera y Noord. E cas na Paradera ta di un dama di inicianan R.R. kende ta traha na un departamento di gobierno.

Na e cas sa tin mas hende sa keda cu ta figuranan conoci den mundo criminal na Hulanda. Ta hende cu a yega di cay sera den pasado na Hulanda pa actonan serio bou sospecho di atraco riba truck di placa unda te hasta a tira mata e miembro di seguridad.

Na Aruba a drenta ordo algun aña pasa y detencion a tuma lugar aki tambe. Mientrastanto despues di su detencion el a bolbe Aruba. Awor algun aña a pasa y un biaha mas team di husticia cu presencia di fiscal di ministerio publico y huez comisario a drenta e cas na Paradera riba e caminda grandi drentando Piedra Plat. A listra e cas completo.

Den e cas a detene Glen H y riba caya e detene doño di cas Rachel R. Cu team di aresto e haci e detencion na Paradera mirando cu ta trata di un figura cu ta wordo considera peligroso. RST a pidi refuerzo di polis di Aruba pa duna un man den e caso aki. E tin di haber cu cosnan den baho mundo criminal.

A confisca basta cos pa wordo investiga entre otro documentonan. Despues merdia a bai na Noord tambe unda a drenta un cas di Sammy G. Aki no ta conoci su detencion a cay pero ta trata di cas di un ex funcionario di Arubus cu a ser kita despues cu sakito di droga a cay for di su saco.

Awendia Sammy G ta core tourbus pa un compania. Tabata un mainta pa atardi basta ocupa cu e agentenan cu a haci un trabou intensivo pa busca tur e evidencianan necesario. RST ta investiga casonan criminal y hopi biaha e tin di haber cu droga tambe. Exportacion di droga riba nivel internacional hopi biaha RST ta envolvi den investigacion.

- Advertisement -

DUNA COMENTARIO

Please enter your comment!
Please enter your name here