Home Politica Corta den enseñansa no ta un opcion!

Corta den enseñansa no ta un opcion!

0
0
SHARE
- Advertisement -

Parlamentario Chris Romero:

ORANJESTAD (AAN): Segun Chris Romero di MEP, por a tuma cu ultimo dianan bastante ta e personanan den nos comunidad cu a comenta y expresa nan preocupacion tocante e posibel reduccion den e presupuesto di enseñansa 2014.

   Nos kier pone enfasis riba e hecho cu cortando den e presupuesto bo ta limitando y minando e calidad y fondonan pa busca material. Manera ta conoci caba awendia ainda maestronan ta rabia pe hecho cu nan a bay  atras y keto bay parlamentarionan sosteniendo gobierno kier nenga esaki.

Esaki ya caba ta un negligencia riba su mes, awor imagina un posibel reduccion den e presupuesto di enseñansa kico esaki lo trece cune.

   Hopi biaha ta tende politiconan ta papia over di inverti un porcentahe di nos GDP den enseñansa. Loke ta remarcabel ta cu mayoria  biaha nan ta manipula cu cifranan. Nos fraccion ta di opinion y kier propone cu e fondonan di enseñansa mester ta un suma fiho y cu un margen cu extra placa por worde aloca.  Esaki kiermen cu lo no por kita for di e presupuesto di enseñansa, solamente aloca fondonan adicional. Cual riba su mes ta halsa nos sistema di educacion. No ta importa cuanto ta e porcentahe cu tin pensa di corta sino e hecho  cu unabes bo pensa di haci esaki bo ta fout bezig. Corta den enseñansa no ta un opcion!

   Den pasado nos a trece padilanti cu modernismo den enseñansa tambe ta contribui na baha gastonan di gobierno. Ehempelnan ta inverti den tablets cual lo reduci gastonan di buki. No tin claridad y tampoco nos no ta compronde kico ta e plan di enseñansa di e gobierno actual. Locual si ta obvio cu enseñansa na Aruba ta worde neglisha cual nos fraccion ta contra y pa e motibo aki nos ta trece e preocupacionnan aki dilanti.

- Advertisement -

DUNA COMENTARIO

Please enter your comment!
Please enter your name here