Home Hudicial Siman cu ta bin Corte Hulandes lo trata caso penal di placa...

Siman cu ta bin Corte Hulandes lo trata caso penal di placa di droga haya na Aruba

5
0
SHARE
- Advertisement -
European Currency - Europδische Wδhrung
European Currency – Europδische Wδhrung

ORANJESTAD (AAN): Segun publicacion na Hulanda, e homber Hennie van Rey y su amigo di Roermond Diana P., ta wordo sospecha cu entre juni 2006 y juli 2015 nan tabata involucra den labamento di caso 10.5 miyon euro.

Banda di esaki nan lo a financia compra di un villa vacacional grandi na Selca (Croacia) cu placa ilegal.

E proceso Legal aki contra e dos sospechosonan ta cuminsa diamars cu un sesion pro-forma den Corte di Zwolle.

Hennie van Rey, e ruman homber di 74 aña di e politico Jos van Rey, a cay den man di autoridadnan ora cu un container di su empresa di carni di Roerman a wordo intercepta na Aruba y den dje a bin descubri 2.8 miyon euro. E placanan tabata scondi den “kip rollade”.

Si ta corda bon, riba e mesun dia Cuerpo Policial di Aruba a aresta dos persona mes den e caso aki, entre otro e homber Ramon H. E ultimo dos sospechosonan aki lo wordo husga na Aruba mes.

E muhe Diana P. A wordo deteni algun dia despues di e aresto di Hennie van Rey, na Hulanda. E ta wordo sospecha di e mesun delitonan castigabel cu su amigo van Rey. Su Abogado Marijn Zuketto no kier a reacciona pa prensa riba e acusacionnan di Ministerio Publico (OM).

E investigacion penal contra Hennie van Rey, yama Fluor, ta completamente apart di e caso di corupcion contra Jos van Rey, segun Ministerio Publico a duna di conoce. E sospechonan contra Hennie van Rey ta relaciona cu un otro investigacion di un caso di labamento di placa na Antia, cu ta relaciona cu un investigacion di droga na Merca.

E Abogado di Rey, Gitte Stevens, tampoco kier a duna comentario riba e sospecho  contra su cliente.

- Advertisement -

DUNA COMENTARIO

Please enter your comment!
Please enter your name here