Home Hudicial Fiscal kier inclui su cliente inhustamente den un organizacion grandi di droga

Fiscal kier inclui su cliente inhustamente den un organizacion grandi di droga

0
0
SHARE
- Advertisement -

Abogado mr. Illes ta reclama den Corte

ORANJESTAD (AAN): Abogado mr. Illes a cuestiona e hecho cu su cliente, e Colombiano J.G., no tin nada di haci cu un organizacion grandi di droga, pero Fiscal si kier inclui J.G. den esaki. Den e articulo aki, ta publica e punto di bista di e abogado mientras cu den un otro articulo ta publica e punto di bista di Fiscal y decision di Hues.

SOSPECHOSO DI DROGA:  Ta asina cu e acusacion di Fiscal contra J.G. ta cu riba 25 di Mei 2015 e tabatin droga den su poder y tabata envolvi den un transaccion. Sino e ta complice pasobra el a facilita su cellular. Tambe Fiscal a bisa cu J.G. a worde haya cu mas di 21 mil Dollar den su scochi.

REACCION DI ABOGADO:  Abogado mr. Illes a bisa Hues cu e ta compronde cu Fiscal kier inclui J.G. den e grupo pero e ta pidi pa lage liber.

Na opinion di e abogado, despues di 5 luna no tin motibo di peso mas. Mr. Illes ta haya cu no a bin nada mas acerca di loke tabatin caba. No por bisa cu a bin algo acerca desde cu el a worde deteni dia 25 Mei 2015.

Na opinion di e abogado, a apela e prolongacion di su detencion y e tempo ey Hof a bisa cu tin motibo. Pero awor cosnan a cambia y no a bin nada mas.

E abogado a bisa Hues cu desde November 2014 tin un investigacion andando y ta na Mei 2015, a bin detene J.G. pasobra e tabata den auto cu su compadre. Na Januari 2015 a cuminsa cu e scuchamento di combersacionnan. J.G. su compadre P.M. a Sali cune un anochi. Na opinion di mr. Illes, ta P.M. ta e persona principal den e caso grandi di droga.

El a mustra cu dia 25 di Mei 2015 anochi, P.M. a bay na un cas pa un trasaccion di droga pero J.G. mes a keda den auto. E unico cos cu Fiscal tin, ta dos combersacion di J.G. Ta asina cu J.G. a laga su cellular na cas y e amiga di P.M. tabata yama P.M. riba e cellular aki. Ningun momento J.G. a papia na cellular. J.G. a coy e cellular di P.M. pa contesta y el a bisa e amiga cu P.M. a Sali un rato pa un negoshi.

Despues J.G. a bisa cu enberdad e a papia di un cantidad pero esaki riba instruccion di P.M. E abogado a bisa Hues cu P.M. no kier bisa nada. E abogado ta haya cu desde November 2014 no tin nada. Tur e otro miembronan a worde haya cu cosnan luhoso. E otronan constantemente tabatin sumanan grandi di placa y ta huy viaha bay exterior. J.G. no tin nada. El a mustra cu no a haya J.G. cu buki di informacionnan manera ta e caso cu e otronan.

Na opinion di abogado, ningun hende a bisa cu J.G. a entrega droga. Tabatin observacionnan y ningun momento a mira J.G. ta envolvi. Esnan cu a admiti a bisa cu no conoce J.G. y cu e no ta envolvi den droga.

E abogado ta kere cu J.G. tabata na lugar robez. Abogado no ta haya cu esaki ta suficiente pa laga J.G. keda sera te Januari 2016 ora cu lo kier bay trata e caso. Mr. Illes ta kere cu J.G. ta victima di e transaccionnan di P.M.

El a remarca cu Hof a laga e amiga di P.M. cu tabatin contacto cu e persona N. cu tabatin droga, liber. Tambe tin un otro persona cu tin mas indicacion riba dje, a worde laga liber.

E abogado a bisa cu e ta haya cu Fiscal mes ta duda pasobra e ta acusa J.G. subsidiario cu a pone cellular disponibel.

Pa loke ta e asunto di placa haya den e auto, mr. Illes a remarca cu e placa no a worde haya den scochi di J.G. sino den un paki den e dashboard. Fiscal ta blo papia di P.M. y pesey ta haya cu tur cos ta drei rond di P.M.

Na opinion di mr. Illes, segun EVRM, un persona tin e derecho di ta liber en espera di su caso penal. J.G. lo ta dispuesto di entrega pasaporte y cumpli cu tur e rekisitonan cu stipula. Hues despues di a scucha tur cos a bisa cu e ta haya cu tin motibo di peso y cu J.G. lo keda encarcela te dia 16 Januari 2016 pa e caso.

 

- Advertisement -

DUNA COMENTARIO

Please enter your comment!
Please enter your name here