Home Policial Famia di diez miembro a perde hogar ora nan cas a kima...

Famia di diez miembro a perde hogar ora nan cas a kima na Kurimiauw

3
0
SHARE
- Advertisement -

ORANJESTAD   (AAN): Un famia grandi y humilde a perde nan dak y nan cas completo cu un candela cu a tuma lugar diadomingo atardi banda di 2or. Polis y tambe bomberonan a wordo pidi cu urgencia den direccion di Kurimiauw 2.

Ora Polis a yega a topa tambe e prome unidad di bombero presente. Bomberonan a bay den accion mesora pasobra vlamnan tabata dominando un camber y e cushina di e cas. E cas ta uno estilo bieu y tin basta aña cu el a wordo traha.

Un famia di diez persona ta bibando den e cas y e daño cu a keda atras, e cas no por wordo habita mas. Un di dos unidad di bombero tambe a presenta despues. Un miembro di e famia mes ta conta cu e tabata den baño y a tende grito di otro familiar. El a core seca curpa y sali na careda.

E cas tabata yen di huma. E mes ta splica cu ta den un camber cu cushina tabata tin candela. Tambe el a splica cu nan ta diez miembro di famia bibando den e cas. Tin grandi y chikito bibando eynan.

Ora bomberonan a termina e personal di Elmar a bin pa atende cu e coriente. Tambe recherche a bin pa haci investigacion. E origen di e candela no ta conoci. Personal di Cruz Cora a wordo notifica tambe di e caso mirando cu e famia grandi a keda sin nada pa motibo di e candela.

 

- Advertisement -

DUNA COMENTARIO

Please enter your comment!
Please enter your name here