Home Hudicial Mucha di 16 aña dilanti Hues pa posecion di arma di candela

Mucha di 16 aña dilanti Hues pa posecion di arma di candela

11
0
SHARE
- Advertisement -

Kier laga psychiater haci un raport

 

????????????????????????????????????

ORANJESTAD (AAN): Un mucha di 16 aña, deteni den Prison di KIA, a presenta dilanti Hues pa un caso penal cu Ministerio Publico tin conta dje.

Tabata increibel pa scucha cu e caso contra e mucha ta pa posecion di arma di candela. Den sala di Corte tabata presente e mama di e mucha y tambe representante di Reclasering.

   FISCAL KIER RAPORT DI PSYCHIATER:

   Fiscal a bisa cu e kier pidi pa pospone e caso contra e mucha. Fiscal a mustra cu segun raport di Reclasering y psycologo, lo ta bon pa busca un raport di psychiater. Fiscal a splica cu a papia cu e psychiater di mucha y e ta dispuesto pa atende e mucha y fin di April 2017 lo por tin un rapport cla. Teniendo esey na cuenta, Fiscal a propone 5 Mei 2017 pero den oranan di merdia.

    MUCHA MES NO TABATA KIER:

   Ta asina cu abogadonan no tabatin nada contra pa pospone e caso. E mama a bisa cu e ta dispuesto pa e investigacion. Segun e mama, su yiu ta rabia cu e ta sera pa algo cu e no a haci. E ta deprimi pa esaki.

   Hues a puntra e mucha si e tambe ta dispuesto pa pospone e caso. E mucha a bisa Hues cu e no ta di acuerdo pa pospone e caso.

   MAMA A CONVENCE MUCHA:

   Hues a pidi e abogadonan pa papia cu e mucha pa mustr’e cu ta pa su mesun bon cu ta pospone e caso. E abogadonan a bay papia cu e mucha pero sin resultado. E mucha a keda para riba cu e no ta dispuesto.

   E ora ey e mama a pidi Hues pa e papia cu su yiu. Hues a permiti e mama papia cu e mucha y despues di e combersacion aki, e mucha a bisa cu e ta bay di acuerdo. Hues a bisa cu e ta pospone e caso 4 Mei 2017. Mientrastanto e mucha ta keda sera den KIA.

 

- Advertisement -

DUNA COMENTARIO

Please enter your comment!
Please enter your name here