ORANJESTAD (AAN): Tabata diabierna marduga patruya encarga cu distrito San Nicolas na ta pasando den Savaneta y polis a constata porta schuif di e localidad Hoi Sing Chinese Bar & Restaurant ta mitar habri.
Polisnan a dicidi pa controla un que otro y nan a constata cu tin diferente boter bebida kibra na suela tambe a polis a wak cu e cooler cual ta contene cervez ta habri.
E doño inicial C . tambe a presenta un rato despues via e sistema di camara polisnan a wak pa alrededor di 03:32 un homber color cla caminda blauw cu jeans cabey preto ta sinta riba banki dilanti Hoi Sing y un rato despues nan ta wak tambe cu e homber a cana bay na porta schuif y a logra forza y a habri e porta.
El a subi toonbank y e ladron desconoci a pasa man pa caha placa color shinishi marca Casio contene mas o menos 50 florin na placa larga. E boef a cana bay pafo y despues el a bay direccion pabao.
Keho ta entrega y e tipo cu ta sinta manera bon mucha riba banki cu a forza drenta den e localidad y horta lo tin duna cuenta na husticia di su hazaña. Mientras tanto mainta trempan , central di polis ta dirigi patruya San Nicolas na Sabana Basora altura di number 30-G. riba caminda lo tin un caha placa benta probablemente lo por ta trata di caha placa relaciona cu kibra y ladronicia na Hoi Sing na Savaneta.
E caha a wordo confisca y a hiba esaki warda pa investigacion.
