- Advertisement -
BONAIRE
ORANJESTAD (AAN): Autoridad na Bonaire a divulga, cu e curpa di e dama Mexicano di 23 aña di e barco Navigator of the Seas, esta Adriana Morales de Florencio, tin varios hinca y cortanan cu un cuchiu. Pues el a perde su bida na un forma violento.
Autoridad na Bonaire a duna e investigacion e nomber “Caso Saturnus”, y a dura como 12 ora prome cu nan a saca e victima for di e lugar unda el a wordo dera, pa asina conserva tur evidencia.
Segun Fiscal Majoor, mr. H. Hambeukers, a detene e sospechoso na prome instante pa violacion di Ley di Arma, y despues cu nan a bay listra riba e tereno cu e tin banda di Playa Grandi, a haya e pober dama dera. Awor e acusacion di homicidio tambe a wordo agrega.
- Advertisement -
