ORANJESTAD (AAN): Hues a hala e atencion di e homber C. Specificamente el a bisa cu no ta C. ta dicidi kico mester haci. Hues a bisa C. cu e mester cumpli cu e castigo cu el a haya y a subi e castigo pa mas trabou pa comunidad.
PLANTACION DI MARIHUANA:
- a wordo haya culpable di plantacion di marihuana riba 10 di Mei 2016. Hues a mustra cu tabatin Tomzitting caminda a condena C. na 20 ora di trabou pa comunidad. Ta asina cu C. a traha 15 ora so.
ACTITUD DI ACUSADO:
Hues a puntra C. di con e no a caba di haci trabou pa comunidad. Segun C. e tabata sinti malo y no a sigui. El a simplemente no a bay mas pa caba di cumpli cu e 5 ora di trabou cu e tabata falta. El a bisa Hues cu e no tin un motibo pa bisa cu no a cumpli.
Hues a bisa C., cu e mester cumpli cu esaki.
Fiscal a bisa cu C. a bay di acuerdo cu e ta traha pa comunidad. Reclasering a notifica cu C. no a cumpli cu e oranan. Fiscal ta haya cu lo ta mihor duna un boet envez di bay traha bek. E no kier crea e impresion cu si no traha lo bay haya boet. El a exigi 250 florin di boet of 5 dia sera.
- a bisa Hues cu e kier caba di haci trabou pa comunidad. Hues a sera tratamento di e caso y dicta sentencia di biaha.
HUES A DUNA MAS CASTIGO:
Hues a bisa cu e ta haya C. culpable y ta haya fastioso cu C. ta bay dicidi cu e no ta bay cumpli cu e castigo. Esaki ta masha fastioso pa Reclasering.
Hues a bisa cu pa e actitud robez aki e ta subi e cantidad di oranan di trabou y no ta duna C. un boet manera Fiscal a exigi. El a condena C. pa traha 10 ora di trabou pa comunidad y a hala atencion di C. cu e mester cumpli.
