ORANJESTAD (AAN): Durante un programa special di despedida den Cas di Cultura, e alumno- y docentenan di Maria College MAVO a celebra e logro y exito di Juffrouw Roosje. E ta bayendo awor cu pensiun.
Roseana Garrido a cumpli asina 42 aña den Enseñanza na Aruba, di cual 41 aña el a educa hobennan na Maria College MAVO.
E evento aki a contene e.o. relato di e storia di Roosje, su biografia tempo e tabata na JFK School, tambe docente di Wiskunde na Maria College, y el a ricibi varios regalo. Tambe tabatin presentacion di video di su famia.
E despedida tabata uno cu sentimento mixto. Alumnonan a demostra cu nan stima Juffrouw Roosje, y di otro banda, e maestra aki ta adora su scol y su colega y alumnonan.
Aki por mira mas di e despedida di Juffrouw Roosje.
