Molotov manda riba cas na Sividivi

ORANJESTAD   (AAN): Den careda di 1or di madruga, patruya di Playa a ser manda  na un cas na Sividivi. Eynan desconocinan lo a tira un Molotov riba e cas. E intencion tabata pa kima e cas cu habitantenan aden.

Na yegada  di Polis a bin topa cu e Molotov benta y esaki a paga ora el a wordo manda riba e cas. Polis a bay tuma datos, di e sucedido.

E doño di cas a conta cu nan tabata den camber y diripiente a tende un desordo dilanti di cas. Ora a bay wak, a bin topa cu un Molotov tira den veranda di nan cas.

E intento pa kima e cas a fracasa. Polisnan na e sitio a pidi pa recherché y tambe Cuerpo Tecnico cu a bin atende cu e caso serio aki.