ORANJESTAD (AAN): Un señora diaranzon despues di merdia a yama central di polis y el a declara cu un conocido di dje entre 11’ or y 11:30 a wordo menasa pa e conocido di polis y di husticia, cu ta e homber P. Kock cu ta paciente pskiatrico y tambe e ta usado di droga.
E tabata bisti cu carson blauw y cu t-shirt shinishi. Señora K a declara tambe cu P. e dia en cuestion tabata di remate y e ta hopi peligroso y e no ta tuma su medicamentonan.
A puntra K. of S. si el a yama polis y parce cu S. no a yama polis y e ta den cas cu tur cos ta na lock.
- a declara di a bisa S. pa yama polis y haci denuncia tambe. Ademas K. a declara cu S. a bis’e si acaso P. bin un biaha mas cerca dje na cas e lo yama polis.
Informe adicional ta menciona cu den pasado e homber P.K. a comete dos asesinato.
Mientras tanto hefe riba servicio di warda Oranjestad a dirigi su patruya den Appelsina straat relaciona cu menaza. Na e direccion polis atende señora S. y el a declara cu su primo P.K. ta un pashent di Paaz y bin cas y P. a drenta y para dilanti dje (S.).
- tabatin un arma di co’i hunga y a apunta esaki den direccion di S. Despues P.K. a bisa S. “abo ta next, mi ta bay mata bo y mi ta bay busca hende pa mata bo”. Despues P.K. a bandona e cas y a sali bay.
- a declara di tin miedo pa su bida debi cu e sa cu P. den pasado a mata hende.
- ta bira agresivo ora e no tuma su remedinan. Patruya tambe conoce P.K. bon y patruya a tuma e version y a controla den vecindario buscando P.K. pero nan no topa cune.
Patruya a splica señora S. pa e pasa siguiente dia na despacho di recherche pa entrega keho el a mustra comprension y e lo pasa hasi esaki.
Ademas polis a splica S. cu e mester yama polis mesora ora cu P.K. yega.
