Home Social Tur hende admirando e dos corona di Diana Bikker

Tur hende admirando e dos corona di Diana Bikker

725
0
SHARE
—Diana Bikker cu su dos bunita corona.
- Advertisement -

ORANJESTAD (AAN): Riba Diahuebs, señora Diana Bikker a regresa Aruba cu dos corona di United Nations Pageant.  El a representa Aruba y a bin cu e titulo di “Personality Ambassador United Nations”, y tambe “Mrs. Tourism United Nations”.  Pa cada uno di e titulo, el a ricibi un corona.

— Closeup di e corona.

Ora cu el a yega Aruba, su corona riba cabez tabata loke cu a resalta cerca e candidatanan y organizadornan di Miss Youth Aruba cu a bay ricibie den VIP Room.

E coronanan cu Diana a ricibi na e certamen, tabata sumamente inusual pero hopi bunita, yen di color aden.

DIARIO tabata presente na Aeropuerto ora cu esnan presente a haya oportunidad di admira e Corona for di tur angulo.  Sumamente bunita y impactante.  Casi tur hende kier a saca potret cu e corona.

Pa dos siman largo, señora Diana Bikker di Aruba a representa e isla aki na e certamen di United Nations Pageant.

— Admirando e corona di tur angulo.

El a conquista e titulo di “Personality Ambassador United Nations”, y tambe “Mrs. Tourism United Nations”.

E certamen a conoce candidatanan for di tur continente, e.o. India, Ghana, Rusia, Canada, Mexico, Jamaica, Colombia, Ucraina, South Africa, y mucho mas.  Tabatin algun pais cu debi na problema di visa, no a yega na tempo.

DIARIO tabata presente na Aeropuerto ora cu Diana a wordo ricibi pa candidatanan simpatica di Miss Youth Aruba.  Y cada uno a keda admira e corona, con bunita e ta.  Nan a hasta keda mire den nan man, pa check e diseño.

Diana ta hopi agradecido na Ministro di Turismo di Aruba cu a patrocina e franquicia y e yudanza.  Tambe algun patrocinador mas cu kier a keda anonimo.  Diana a menciona tambe di ta agradecido na e personanan cu a sostene, y a para 100% su tras tanto financieramente como moralmente.  Esaki a dune e motivacion pa haci e viahe y competi.

— Diana aki mey-mey di candidatanan di Miss Youth Aruba.

Ademas e ta gradici Aruba en general pa e sosten.  El a splica cu e tin di traha hopi duro pa e corona aki.

Pasobra e meta di e corona na United Nations Pageant, ta cu bo tin di traha na beneficio di comunidad.  E tin di bay traha un programa grandi pa manda na Nacionnan Uni pa demostra kico e ta haci tur dia na forma voluntario na beneficio di comunidad.  Pues el a bin cas bek cu un ‘huiswerk’ pa haci.

— Diana cu Shanty Kanhai.
— Diana cu Jairee Oduber.
— Diana cu Kimberly Semeleer.
— Diana cu Rikienne Nelson.
— Diana cu Luisa Arcila.
- Advertisement -

DUNA COMENTARIO

Please enter your comment!
Please enter your name here