Home Politica Cuido di salud no tin prijs ni riba bida di hende

Cuido di salud no tin prijs ni riba bida di hende

131
0
SHARE
- Advertisement -

Segun Evelyn Wever-Croes di MEP: 

ORANJESTAD    (AAN):  Segun Evelyn Wever, Lider di MEP, cuido di salud di e ciudadano a bay atras considerablemente, y e confianza den nos cuido di salud ta menos.

Nos institutonan cu mester brinda servicio di salud ya no por cu e demanda debi na crecemento di nos poblacion. E realidad cu nos ta bibando aden awor ta cu un paciente mester warda varios luna pa haya cita cu su specialista, y algun no ta logra warda asina tanto y ta perde e lucha cu nan malesa prome cu e dia di nan cita yega. Un pacient mester warda hopi tempo pa por hasi un MRI, y mientras tanto si e tin un malesa, esaki ta sigui avanza, y talves pa dia e haci e MRI, ya ta laat.

Pa MEP no tin prijs riba salud di hende y sigur no riba bida di hende. Nos ta conciente cu un pais cu ta respeta su mes, mester brinda un cuido di salud digno na su ciudadanonan, y cu esey nos ta compromete: mehora e calidad di cuido pa un y tur. Pesey nos ta propone e siguiente solucionnan:

 

SOLUCION pa problemanan den cuido di salud:

  • Mester bin mas dokter di cas y specialista pa cada ciudadano haya e oportunidad di un atencion medico specialisa y rapido, y mester mehora e comunicacion entre dokternan y specialistanan na Aruba. Tambe soluciona e problema di nos studiantenan di medicina cu ta studia den regio cu nan diploma no ta wordo reconoci
  • Equipa y enforsa e departamento di “Inspeccion” pa garantisa un bon nivel di calidad di cuido y implementa standardnan halto den e calidad di e cuido medico
  • Amplia e cantidad di enfermeronan y persona cu ta traha den e area di cuido, y brinda nan condicionnan di trabou atractivo
  • Mas Centro Medico y di Diagnostico riba nos isla pa duna asistencia medico inmediatamente, cuminsando cu upgrade Centro Medico San Nicolas y hasi’e un hospital; riba termino largo mester tin un Centro Medico y di Diagnostico den cada districto, cu posibilidad di hasi dialisis y asina trece e cuido medico mas serca di e ser humano. E prome di e centronan aki mester bin den e area central di Aruba, e area di Paradera/Santa Cruz
  •           Restructura costo di cuido di salud y modifica e sistema di AZV, caminda ta necesario ta baha gasto, pero esaki no por afecta e calidad di cuido di salud di e ser humano y cambiando e enfasis na cuido di salud curativo pa cuido di salud preventivo
  • Maneho responsabel riba uso di remedi generico y no-generico den caso di pacientnan cu malesa cronico, cu mester hasi uso di remedinan no-generico pa asina garantiza e salud di nos poblacion den 15 aña  y mas.
  • Separa cuido di salud di adultonan mayor di cuido di salud general

Nos compromiso ta pa mehora calidad di cuido di salud, y riba salud di hende, ni riba bida di hende tin un prijs, segun lider di MEP Evelyn Wever-Croes.

 

 

- Advertisement -

DUNA COMENTARIO

Please enter your comment!
Please enter your name here