Home Social Fundacion Salud Mental Aruba “Respaldo”

Fundacion Salud Mental Aruba “Respaldo”

357
0
SHARE
- Advertisement -

Cuido di Salud Mental na Aruba awor tin un nomber:

ORANJESTAD(AAN): Fundacion Salud Mental Aruba “Respaldo” ta e nomber nobo pa e fundacion cu ta bay reorganiza e ayudo psiquiatrico na un manera fundamental.

E fundacion a wordo lanta den bon cooperacion entre pais Aruba, AZV y Hospital.

E nomber “Respaldo”, a wordo escogi for di un competencia entre trahadornan den psiquiatria.

Den FSMA “Respaldo”, PAAZ y e psiquiatria di policlinica di hospital, SPD (Servicio Social Psiquiatrico) di Gobierno y Balanza di e psiquiatranan estableci liber ta bay hunto, mientras cu porfin cuido di salud mental na Aruba ta bay tin si propio organizacion.

Door di un cantidad di factor e ayudo psiquiatrico na Aruba no a logra desaroya su mes suficientemente den ultimo añanan.

Pesey e fundacion ta bay atende cu locual ta necesario pa un bon asistencia den e mundo completo di cuido.

Den dunamento di asistencia ta bay enfoca riba un comunicacion efectivo, unda cu lo yega mihor na pashentnan hopi enfermo, pa duna nan tambe mihor tratamento.

Ta bay bin cu algun opleiding, pa mehora calidad di dunamento di asistencia y di e dunador di asistencia di cuido.

Solamente un propio fundacion pa cuido di salud mental por trece cambio den integracion pa tur e cuido necesario aki.

Segun e comunicado cu a wordo manda pa prensa, FSMA “Respaldo” tin su propio Hunta di Supervision, cu Jossy Lacle como presidente di e Hunta di Maneho.

E director medico ta bay ta dr. Hendrikus van Gaalen, mientras cu drs. Lex de Jong ta bay ta director interino di gestion empresarial.

Ta bay bin dos ubicacion nobo, di cual uno ta cerca di PAAZ y e otro ta na San Nicolas.

Den e edificionan ey ta bay bin un policlinica, un equipo separa pa tratamento di pashentnan psiquiatrico severo den nan propio medio ambiente y un posibilidad pa cana drenta/tratamento chikito di dia.

E docternan di cas lo haya tambe mihor asistencia di dunadornan di apoyo di practica.

Mas personal ta bay wordo tuma, den sentido di enfermero, psicologo y otro terapeuta.

E comunicado ta termina na bisa: “Na Aruba den e añanan cu ta bin e asistencia psiquiatrico door di “Respaldo” lo bay dilanti bastante y esey den nos mundo cu ta cambiando ta hopi necesario”.

 

- Advertisement -

DUNA COMENTARIO

Please enter your comment!
Please enter your name here