Home General Hopi abuso di trabao ta tuma lugar pasobra e trahador no sa...

Hopi abuso di trabao ta tuma lugar pasobra e trahador no sa su derechonan

197
0
SHARE
- Advertisement -

Abogado di FTA mr. Hose Figaroa:

ORANJESTAD (AAN) – Segun e Abogado di e Federacion di Trahadornan di Aruba (FTA), mr. Hose Figaroa, hopi biaha tin abusonan laboral ta tuma lugar pasobra e trahado no sa su derechonan.

Abogado Figaroa a comenta cu tin dos aspecto den e situacion aki: E aspecto di concientiza e trahado mes, unda cu e  mester sa kico ta su derecho banda di su debernan na trabao.

“Hopi biaha e parti di derecho ta keda un banda y hunto cu esey tin e aspecto di control cu mester sosode pero cu no ta tumando lugar pa loke ta e concientizacion”.

Segun Figaroa ta na su luga y FTA ta purbando di haci esey tambe, di bin cu curso y charlanan unda cu e trahado ta haya un conocemento basico di kico ta su derechonan. Kico por wordo exigi for di dje, kico tin cu cumpli cun’e, encuanto horario di trabao, vakantie y e pagonan, etc. “Tur esey ta importante pa e ta na haltura di dje”. Y e otro aspecto cu tambe falta hopi na Aruba, ta e control.

“Lamentablemente no tin control, locual ta haci cu tur tipo di iregularidad na pia di trabao ta posible, y e unico manera cu esaki por wordo contraresta ta si e trahado mes bay y entrega un keho.

Departamento di Labor ta bezig pro- activamente cu control na pia di trabao locual ta haci e respet pa e reglanan, hopi miho. Na e momentonan aki tanten cu e dunado di trabao tene e trahado bao di presion pa e no entrega keho, e sa cu e no por cumpli cu ley manera e kier.

Mientras cu si tin un control activo, unda cu e Departamento di Labor ta laga regularmente controlnan tuma luga na pia di trabao bo lo haya cu e trahadonan mes no mester ta esun pa entrega keho, cu e kehonan lo wordo constata door di esnan cu ta controla pia di trabao”, mr. Figaroa a señala.

- Advertisement -

DUNA COMENTARIO

Please enter your comment!
Please enter your name here