Home Deporte Ki dia lo trahe un parke pa practica ciclismo aki na Aruba

Ki dia lo trahe un parke pa practica ciclismo aki na Aruba

124
0
SHARE
- Advertisement -

ORANJESTAD (AAN): Den e prome mita aña basta problema esnan cu ta practica e deporte di ciclismo a haya nan mes aden sea ta hende ta core den nan ruta di careda of tin otronan cu a haya nan mes den accidente di trafico y ta keda lesiona door di esaki. E accidente di diasabra mainta cu e ciclista Gary Barnes ta pone hopi pensa riba un solucion rapido. Algun luna atras a tene un recorido silencioso den forma di protesta pa asina mustra e preocupacion grandi cu hopi tini. Hopi reclamo tabata tini den e forma con automobilistanan ta core y no ta duna cooperacion, pero tambe viceversa ciclistanan cu ta core banda di otro strobando e trafico causando asina peliger pa nan mes y e automobilistanan. Den pasado a papia hopi di bini cu un parke full cera specificamente pa esnan cu ta practica e deporte aki. Con cu bay bini si nos wak e desaroyo rond di e “deporte” aki ta hopi hende a cuminsa practica sea ta mountain bike of ciclismo di ruta. Es mas e deportenan di triatlon y Iron Man unda cu bo mester haci uzo di bo bicicleta tambe a bira masha popular. Hopi mucha nos ta wak ta core bais pero no facil riba caminda publico. Wak rond cuanto ciclista ta core diariamente riba caminda pero nos tur sa cu esaki ta INSIGUR. Mayoria ciclista ta core un kilometrahe largo pa siman y no dos a tres kilometer. Hopi hende cu bo acerca ta bisa bo cu nan lo tin gana di core bicicleta pero e hecho cu e trafico na Aruba ta caotico ta duna uno miedo paso bo no sa kico por pasa y cu tur nan rason.

Mas y mas ta mustra cu Aruba MESTER di su Parke di bicicleta. Si por traha stadionnan di futbol, baseball y otro complehonan pa otro deporte mester por traha un Parke di ciclismo cu sigur lo rekeri menos mantencion.

- Advertisement -

DUNA COMENTARIO

Please enter your comment!
Please enter your name here