Parlamentario Clarisca Velasquez:
ORANJESTAD(AAN)– Segun e parlamentario di AVP Sra. Clarisca Velasquez, e modelo con nos gobierno a escoge na 2009 pa bay rescata Aruba awe nos ta cosecha su frutanan. Hulanda y tur e “profetanan di desaster” aki a critica pero awe nan mester admiti tambe cu nos gobierno su escogencia ta esun corecto.
Awe Aruba su economia a recupera y ta biniendo riba pia y nos isla ta den completo desaroyo. Awe un Aruba hopi bunita y tambe cu un finanzas publico recupera y sostenibel. Riba e bon caminda pa balance budget y cu solamente 0.5% di deficit den nos presupuesto. Algo historico y nunca antes logra.
E modelo economico cu nos gobierno a tuma di bay stimula nos economia door di primeramente inverti den nos capital humano y despues den nos infrastructura y tambe nos producto Aruba a conduci cu awe Aruba ta riba e bon caminda cu su economia recupera y cu un finanzas publico sanea y sostenibel.
Un Aruba progresando y bayendo padilanti. Aruba ta na caminda pa balance budget di su presupuesto. Algo cu ningun gobierno a logra anto cu hopi placa den caha pero tabata falta vision y curashi. Awe e gobierno aki ta haciendo tur cos corecto pa hiba Aruba padilanti y nos ta orguyoso di esaki.
