ORANJESTAD (AAN): Diasabra anochi, nos Miss Aruba Universe Alina Mansur, a tene su anochi di Cocktail Fundraising patrocina pa Romar Trading.
E evento ta parcialmente pa yuda su preparacion pa bay e certamen di Miss Universe, pero parti di e fondo ta bay pa Crijojo Trappers, cu ta un organizacion cu ta gasta energia pa gara pushi y cacho riba caya, opera y steriliza nan, y laga nan bek riba caya. Esaki ta wordo haci pa combati e poblacion grandi di pushi y cacho riba caya.
Alina ta un persona kende semper tabatin amor pa bestia, y pesey mes e ta realmente aprecia loke Crijojo Trappers ta haci pa Aruba.
Importante ta cu e ta traha cu un organizacion asina special.
E certamen mes ta dia 26 di November na Las Vegas, y e preliminario ta algun dia prome cu esey.
Alina a indica cu el a yega di competi caba pa reina, y ta haci esey cu tur pasion y amor. Ora e pone un meta su dilanti, e ta traha hopi duro pe. Sa sigur cu Aruba su nomber lo bay resalta den e certamen.
