ORANJESTAD (AAN): Diabierna 20 di Oktober 2017 durante e celebracion di 30 aña di exsistencia SER a ser lansa su website.
Secretaris di SER sr. drs. Felix Bijlhout ta splica cu SER ta den pleno desaroyo y lo continua enfocando riba pa mehoracion y progreso di nos organizacion. Di e forma aki ta logra otro ‘mijlpaal’. Cu e website aki SER ta contribui na e principionan di bon gobernacion pa medio di accesibilidad, transparencia y informacion na comunidad.
A scohe pa e idioma di hulandes considerando cu hulandes ta un di nos idiomanan oficial y consehonan di SER ta sali na hulandes como tambe nos lasonan estrecho di cooperación cu paisnan den Reino y Hulanda. Hunto cu e website ta anuncia nan email general nobo cuinfo@ser.aw
SER tag radici sr. Dwayne Heronimo di Orbitalnets, diseñador di e website pa su tremendo trabao y tur esnan cu di un forma of otro a contribui cu esaki. E website ta diseña según regulación di Hulanda y por ser uza fácilmente via bo telefon.
Comunidad di Aruba ta keda invita pa bishita e website www.ser.aw y asina keda na altura di tur e trabaonan y publicacionnan di SER cu ta concerni e retonan den nos pais riba tereno social y economico.
Pa mas informacion por tuma contacto cu e secretariado di SER na telefon 5832713 of via email info@ser.aw
