ORANJESTAD(AAN)– Fundacion Social Portuguez ta celebra 45 aña y fiesta di San Martin, segun un comunicado di e fundacion.
Fiesta di San Martin ta un fiesta tradicional Portugues cu ta wordo celebra como e dia di biña nobo, esta dia di purba e biña Portugues. Un fiesta cu ta conoci y ta wordo festeha en grande na e distrito di San Martin situa na costa zuidwest di E capital di Madeira cu ta Funchal.
E fiesta di San Martin ta un fiesta principalmente celebra na Portugal y Madeira na luna di November. E fiesta aki ta presenta diferente tradicion Lusitana cu ta wordo festeha cu baile portugues, cumindanan tipico y sin laga afor e “tasting” unda ta purba e smaak di e biña portugues cu ta wordo cosecha durante e aña.
E fiesta di San Martin ta asocia cu un bon esfera di convivencia y di solidaridad reforzando e lasonan di amistad entre amigonan y famianan. E Santo “patrono” di e produccion di biña e dia aki ta San Martin. San Martin tabata un soldad romano, cu riba un dia hopi friu el a topa un ambulante riba caya cu tabatin hopi friu y tabata sinti malo y e ambulante a pidi’e yudansa. Como un bon soldad Martin a kita su capa y a duna e ambulante pa protege di e friu. Di e momento ey diripiente e friu a bay y e ta cuminsa bira mas calor y enberdad t’asina el a sosode.
Celebracion 45 aña di Fundaçao Social Cultural Portuguesa
Na aña 1972 Club Portugues a ricibi su statuut oficial unda a forma e prome Directiva . Pa e motibo aki Directiva actual ta celebra e dia aki en grande unda nos ta recorda cada fundador di e aña ey.
President Joao Pedro Concalve Freitas + —- Vice President Manuel da Luz Cabral de Andrade + —– Secretario Jose de Andrade + —- 2 Secretario Octavio de Castro Coutinho + —- Tesorero Manuel Fernandes do Nacimento + —- 2 Tesorero Jofre Gomes — Comissarionan: Jose Fernandes Pedra + — Antonio Pedro + —–Joao Mattos Nobrega + —– Alfredo Correia de Andrade + —– Manuel Correia de Andrade +.
Despues a construi cu Club cu nos ta yama awe dia “ Club Bieu” pero na aña 1983 cu hopi amor y dedicación a logra construi un edificio nobo.
Sr Jose Fernandes Orfao tabata e president cu a pone e prome piedra hunto cu su Directiva.
Te di e dia di awe Comunicad Portugues na Aruba por sinti orguyoso cu tin un Club Portugues
Otro Portuguesnan cu siguir a contrui na beneficio di Club Portugues y nos ta recorda:
Manuel Veira Alves, Sr Mauel da Silva Cristo, Arturo Ribeiro, Francisco de Salas Sousa, Manuel Freitas da Silva y Sr Juanco Marinta.
Tambe nos ta gradici Manuel Vargem, Joao Bernardino da Silva Andrade, Albertina Dumfries, Gilida Fernandes Orfao, Jovita Andrade, Ilidio Dumfries Directiva ta gradici nan tambe pa nan amor y dedicacion na Club Portugues.
Club Primavera e parti di Voetbal ta yegando su meta. Nan prome fase di veld a wordo rosa y den proceso pa nos haya luz nan danki grandi na team Estudiantes Maritimo Remy Davelaar y su directiva.
Pero trabao no a caba nan nos mester mas man pa yuda y nos ta logra
Nos lo desea un dia Gobierno reconoci nos como un comunidad digno y luchador y un respet sin visto, un comunidad keri y stima. Nos ta pensa riba nos propio plaza, Plaza Imigrante Portugues Plaza
Orguyoso nos ta pa mira con respet mundo henter tin pa nos comunidad.
E exito di nos comunidad ta sin duda e ta mantene semper Bibo nos rais Bobo nos cultura Bibo nos idioma Portugues.
Celebracion
Na Aruba tambe nos ta celebra e dia aki en grande e aña aki riba Diasabra 11 di November 2017 na Fundacion Social Cultural Portugues mihor conoci como Club Primavera of Club Portugues.
Directiva actual ta preparando e fiesta tradicional aki cu masha entusiasmo y ta celebra e fiesta e aña aki un poco Multi cultural . Lo bay tin presentacion di banda musical Alma Lusa procedente di Venezuela y di nos banda y Grupo Folclorico Primavera
cuminda y bebida nan tradicional portugues
Como parti di celebracion aki nos no por laga afor e cumindanan tipico, y tradicional Portugues lo bay tin oportunidad pa purba e plato principal Madeirense cu ta e “Espetada Portuguesa”, acompaña cu dushi pan “Bolo do Caco”, tambe “Bacalao a Portguesa”, sopi tipico portugues esta E “caldo verde”. Y pasaboca dushi manera “Bolo de mel” y “Broas”.
Invitacion
Directiva ta extende un invitacion personal na henter e Comunidad residencia aki na Aruba pa pasa Diasabra awor November 11 na Club Primavera y celebra e gran dia di San Martin den forma Multi cultural cu lo cuminsa pa 8or di anochi . Mas cu claro entrada ta completamente gratis ¡!!
