ORANJESTAD (AAN): Recientemente a tuma lugar un Fall Benefit organiza pa Universidad di Aruba y EPI na Divi and Tamarijn All-Inclusive. Un evento tremendo na unda nan studiantenan di Universidad di Aruba y EPI a traha hopi duro pa haci esaki un exito.
Departamento di cushina di EPI a take care di e cuminda y esnan di management a haci e servicio, mientras cu studiantenan di Universidad mester a organiza cada detaye di e evento, manera busca sponsornan pa cuminda, bebida y e lugar, y sin lubida detayenan chikito manera organiza e staff, ki ora tur cos mester tuma lugar y decoracion.
Esnan presente a disfruta di biñanan di compania Arion, y nan welcome drink tabata un Lunetta Prosecco Rose di Aruba Trading y despues nan a disfruta di dushi platonan traha pa studiantenan di EPI. Pabien na e organizadornan!
