ORANJESTAD (AAN): Haciendo lo maximo di e espirito di “Thanksgiving”, Playa Linda Beach Resort a scohe pa honra empleadonan valioso cu a conmemora un aniversario di trabao durante di e aña aki.
Un almuerso celebrativo na Blossoms Restaurant a ser teni diahuebs entre 15 hubilado, representando un 225 aña di experiencia trahando den e industria di hospitalidad y contribuyendo na e exitoso evolucion di Playa Linda como un di e top propiedadnan di timeshare na Aruba.
Gerente general Peter van Grinsven, hunto cu Human Resources Director Sulaika Kelly, a expresa palabranan di elogio na e empleadonan fiel pa hopi aña, kendenan tabata e invitadonan di honor na e ocasion special aki di almuerso di “ Duna Danki”.
Reconocimento y aprecio a keda comparti pa tur empleado cu a celebra un aniversario. Celebrando cinco aña tabata Grounds Attendant Aldemar Nuñez Patiño y Human Resources Director Sulaika Kelly.
Cu e resort pa dies aña tabata tin Room Attendant Clara Roga, General Cashier Marisa Bomba, Painter aña Maria Hurtado, Accounting Manager Ramphiz Croes y Preventive Maintenance Helper Michael Barroso.
Room Attendant Catalina Ramos, Housekeeping Supervisor Mildred Croes y Pool Attendant Arnold Parlan a cumpli diescinco aña. Literalmente yudando pa tene e resort bunita pa binti aña tabata Room Attendant Evadne Francis, y Grounds Attendant Jozef Tromp.
Pa nan binticinco aña di dedicacion, danki a bay pa IT Manager Ciro Pimentel y Room Attendant Sandra Jacobs. Y na e top di e lista di esnan cu a yuda forma Playa Linda ta Accounts Payable Clerk Pearl “Perla” Baptiste, cu ta celebra un impresionante trinta aña cu e resort.
Durante Perla su 30 aña di servicio, el a mira Accounting Department move pa un ambiente digital, cu varios tecnologia y inovacion, pero a haya e satisfaccion den e simple arte di anda cu cifra. “Mi ta gusta, ora tur cos ta cay na su lugar, y tur cos ta cuadra, manera mester ta. Mi ta gosa e detayenan,” e ta comenta cu un sonrisa.
Finance Director Ann Brinkman y Accounting Manager Ramphiz Croes ta di acuerdo cu el a prueba di ta importante pa e departamento. “Perla ta balente, un empleado conciente cu consistentemente ta corecto den su trabao. Nos ta spera cu e por ta cu nos pa hopi aña mas nos dilanti.”
“E trinta añanan a pasa lihe, y tabata tin deadline cu audits y hopi pura, pura, pero mi ta gusta mi trabao y e bon relacion di trabao cu mi coleganan. …mi ta gusta lesa y traha den mi hardin tambe, y un dia lo mi baha cu penshun, pero ainda no,” e ta hari den chansa.
Cada aña, e empleadonan cu ta cumpli un aniversario ta ricibi e envelop tradicional, potret di recuerdo y un plakaat, pero ta e almuerso anual ta loke ta duna e toke extra y un merecido “danki di curason”, na e empleadonan cu ta haci Playa Linda Beach Resort un di Aruba su Timeshare Resortnan faborito.
