- Advertisement -
ORANJESTAD (AAN): Algo pasa di 3:40 madruga, patruya di Noord a ser dirigi na e cruzada di Moko. Eynan un auto a ser laga atras. Mesora e patruya a yega y topa un Toyota Yaris color blanco numera A-70978 tur kibra dilanti y e steun di palo di luz tambe kibra.
Ora polis a bay check na e auto, e auto a dal e palo di luz y despues e personanan a baha na awa for di e sitio y laga e auto atras.
Polis a pidi presencia di takelwagen pa asina transporta e auto pa warda di Shaba. Elmar a wordo notifica pa asina pone un steun nobo pa e palo di luz. Daño material na e auto ta core den algun mil florin.
- Advertisement -
